ബാള്ടിമോര്: കേരള മുഖ്യമന്ത്രി പിണറായി വിജയനെ അമേരിക്കയില് ബാള്ടിമോറില് പ്രവര്ത്തിക്കുന്ന ഇന്സ്റ്റിറ്റ്യൂട്ട് ഓഫ് ഹ്യൂമന് വൈറോളജി ആദരിച്ചു.
നിപ വൈറസ് ബാധ പ്രതിരോധിക്കുന്നതിന് കേരള സര്ക്കാര് എടുത്ത ഫലപ്രദമായ നടപടികള്ക്ക് അംഗീകാരമായാണ് മുഖ്യമന്ത്രിയെ ആദരിച്ചത്.
ഇന്സ്റ്റിറ്റ്യൂട്ടിന്റെ സഹസ്ഥാപകനും വൈദ്യശാസ്ത്ര ഗവേഷകനുമായ ഡോ. റോബര്ട്ട് ഗെലോ മുഖ്യമന്ത്രിക്ക് ഉപഹാരം സമ്മാനിച്ചു. എയ്ഡ്സിന് കാരണമാകുന്ന എച്ച്ഐവി. വൈറസ് കണ്ടെത്തിയ ശാസ്ത്ര സംഘത്തിലെ പ്രമുഖനാണ് ഡോ. ഗെലോ. ആരോഗ്യമന്ത്രി കെ കെ ശൈലജയും ചടങ്ങില് സംബന്ധിച്ചു.
കേരളത്തിന് ആരോഗ്യമേഖലയില് അന്താരാഷ്ട്ര തലത്തില് ലഭിക്കുന്ന ഏറ്റവും വലിയ ബഹുമതിയാണ് ഇന്സ്റ്റിറ്റ്യൂട്ട് ഓഫ് ഹ്യൂമന് വൈറോളജി മുഖ്യമന്ത്രിക്കും ആരോഗ്യമന്ത്രിക്കും നല്കിയ സ്വീകരണം. 1996ല് സ്ഥാപിതമായ ഇന്സ്റ്റിറ്റ്യൂട്ട് ഒരു ജനപ്രതിനിധിയെ ആദരിക്കുന്നത് ആദ്യമാണ്. നിപ പ്രതിരോധത്തിന് കേരളം സ്വീകരിച്ച ബഹുമുഖമായ നടപടികള് വിശകലനം ചെയ്ത ശേഷമാണ് മുഖ്യമന്ത്രിയെ ക്ഷണിക്കാന് ഇന്സ്റ്റിറ്റ്യൂട്ട് തീരുമാനിച്ചത്.
നിങ്ങളെന്നോട് ക്ഷമിക്കണം; ഗുഹയിലകപ്പെട്ട കുട്ടികളുടെ അച്ഛനമ്മമാർക്ക് പരിശീലകന്റെ കത്ത്
പ്രതികരിക്കാൻ ഇവിടെ എഴുതുക