കേരളത്തിലെ പ്രളയ ബാധിത മേഖലകളിൽ പ്രധാനമന്ത്രി നരേന്ദ്ര മോദി വ്യോമ നിരീക്ഷണം നടത്തുന്നു. കാലാവസ്ഥ മോശമായതിനെ തുടര്ന്ന് പ്രളയബാധിത മേഖലയില് പ്രധാനമന്ത്രി നടത്താനിരുന്ന വ്യോമനിരീക്ഷണം നേരത്തെ റദ്ദാക്കിയിരുന്നു.
എന്നാല് കാലവസ്ഥ അനുകൂലമായതിനാല് ഇപ്പോള് അദ്ദേഹം സന്ദര്ശനം നടത്തുകയാണ്. കേരളത്തിന് ഇടക്കാല ആശ്വാസമായി 500 കോടി നല്കുമെന്നും അദ്ദേഹം വ്യക്തമാക്കി. 2000 കോടിയുടെ ധനസഹായമാണ് കേരളം ആവശ്യപ്പെട്ടിരുന്നത്. എന്നാല് ഇടക്കാല ആശ്വാസമായി 500 കോടി നല്കുമെന്നാണ് പ്രധാനമന്ത്രി അറിയിച്ചിരിക്കുന്നത്.
മുഖ്യമന്ത്രി പിണറായി വിജയന്, കേന്ദ്രമന്ത്രി അല്ഫോണ് കണ്ണന്താനം, റവന്യൂ മന്ത്രി ഇ.ചന്ദ്രശേഖരന്, ചീഫ് സെക്രട്ടറി, റവന്യൂ സെക്രട്ടറി തുടങ്ങിയവര് പ്രധാനമന്ത്രിയെ അനുഗമിക്കും. ഹെലികോപ്റ്റര് മാര്ഗം പ്രളയബാധിത പ്രദേശങ്ങളിലെ സ്ഥിതിഗതികള് വിലയിരുത്താനാണ് അദ്ദേഹം പുറപ്പെടുന്നത്.
അതേസമയം രക്ഷാപ്രവര്ത്തനം പലയിടങ്ങളിലും കാര്യക്ഷമമായി നടക്കാന് തടസ്സങ്ങള് നേരിടുന്ന സാഹചര്യത്തിലാണ് രക്ഷാദൗത്യം സൈന്യത്തെ ഏല്പ്പിക്കണമെന്ന് പ്രതിപക്ഷം പ്രധാനമന്ത്രിയോട് ആവശ്യപ്പെട്ടു.
പ്രത്യേക വിമാനത്തില് വെള്ളിയാഴ്ച രാത്രിയാണ് പ്രധാനമന്ത്രി കേരളത്തിലെത്തിയത്.
പ്രതികരിക്കാൻ ഇവിടെ എഴുതുക