ശരീരത്തിനും മുഖത്തിനും ഒപ്പം മനസ്സിനും ഊർജം പകരുന്ന ഒന്നാണു സ്പാ. ഇത് ചെയ്യാൻ വലിയ വില നൽകി പാർലറുകളെ ആശ്രയിക്കണമെന്നില്ല. നമുക്ക് വീട്ടിലും ചെയ്യാനാകും. അതേ ആമ്പിയൻസിൽ അതേ രീതിയിൽ.
വീട്ടിൽ ചെയ്യാം സ്പാ
തിരക്കുകൾക്കിടയിൽ നിന്ന് ഒന്ന് റിഫ്രഷ് ആകണമെങ്കിൽ ആഴ്ചയിൽ ഒരു ദിവസം വീട്ടിൽ തന്നെ സ്പാ ചെയ്യാവുന്നതേയുള്ളൂ. ഇതിന് ആകെ വേണ്ടത് സ്ഥലസൗകര്യമുള്ള ഒരു കുളിമുറിയും മസാജിംഗ് ക്രീമും ബോഡി സ്ക്രബും മോയിസ്ചറൈസറും മാത്രം. സ്പാ ട്രീറ്റ്മെന്റിനായി ഒരു മൂഡ് ഉണ്ടാക്കിയെടുക്കുക എന്നതും പ്രധാനമാണ്. ഇളം വെളിച്ചത്തിൽ സ്പാ ചെയ്യുന്നതാണ് നല്ലത്. ചെറിയ ശബ്ദത്തിൽ പാട്ട് വയ്ക്കുന്നതും റൂമിൽ മെഴുകുതിരികൾ കത്തിച്ചു വയ്ക്കുന്നതും പ്രത്യേക മൂഡ് നൽകും.സ്പായിലെ ആദ്യ പടിയായി ത്വക്കിന് ഉണർവ്വ് നൽകുന്നതിനായി മസാജിംഗ് ക്രീം ശരീരത്തിൽ തേച്ച് പിടിപ്പിച്ച് നന്നായി മസാജ് ചെയ്യാം. ശരീരത്തിൽ അടിഞ്ഞു കൂടിയ അഴുക്കും എണ്ണയും നീക്കം ചെയ്യാൻ ഇത് ഫലപ്രദമാണ്. അടുത്തത് ആവി പിടിക്കലാണ്. ത്വക്കിലെ മൃതകോശങ്ങളെ പുനരുജ്ജീവിപ്പിക്കാൻ ആവി നൽകുന്നത് നല്ലതാണ്. ഇനി ദേഹത്ത് ബോഡി പാക്ക് ഇടാം. ശേഷം അര മണിക്കൂർ പാട്ട് കേട്ട് വിശ്രമിക്കാം. പിന്നീട് ദേഹം ആദ്യം ചെറുചൂടുവെള്ളത്തിലും പിന്നീട് തണുത്ത വെള്ളത്തിലും കഴുകി മോയിസ്ചറൈസിംഗ് ക്രീം പുരട്ടാവുന്നതാണ്.
മുഖം തിളങ്ങും
സ്പാ ചെയ്യുമ്പോൾ മുഖത്തിനും പ്രത്യേക സംരക്ഷണം നൽകാം. മുഖം നന്നായി കഴുകി വൃത്തിയാക്കിയ ശേഷം 5 10 മിനിട്ട് ആവി നൽകുക. ശേഷം ടവ്വൽ ഉപോയോഗിച്ച് മുഖം നന്നായി തുടച്ച് പഴുത്ത പപ്പായ ഫേസ് പായ്ക്കായി ഇടാം. പത്തു മിനിട്ടിന് ശേഷം തണുത്ത വെള്ളത്തിൽ കഴുകി കളയാവുന്നതാണ്.
മുടിക്കു വേണം സ്പാ
ശരീരത്തിനുള്ളതു പോലെ തന്നെ മുടിയുടെ ഭംഗിയ്ക്കും വളർച്ചയ്ക്കും ഹെയർ സ്പാകളുണ്ട്. എല്ലാ സ്പാകളിലും ഹെയർ സ്പാ സൗകര്യവുമുണ്ട്. മുടി ഷാമ്പൂ ചെയ്ത് വൃത്തിയാക്കിയ ശേഷം സ്പാക്രീം പുരട്ടി നന്നായി മസാജ് ചെയ്യണം. ഇതിനു ശേഷം മുടി കഴുകി വൃത്തിയാക്കി പകുതി ഉണക്കിയ ശേഷം ആവി കൊള്ളിക്കാം. തുടർന്ന് ഷാമ്പൂ ഉപയോഗിച്ച് മുടി നന്നായി കഴുകണം. താരനുള്ളവർക്ക് പ്രത്യേക എണ്ണകൾ ഉപയോഗിച്ചുള്ള ഹോട്ട് ഓയിൽ മസാജും ഉണ്ട്. പാർലറിൽ പോയി ചെയ്യാൻ കഴിയാത്തവർക്ക് ഹെയർ സ്പാ ട്രീറ്റുമെന്റിനുള്ള സാധനങ്ങൾ വാങ്ങി വീട്ടിലിരുന്ന് തന്നെ ചെയ്യാം.
പ്രതികരിക്കാൻ ഇവിടെ എഴുതുക