യുവതീ പ്രവേശനത്തിനും ശബരിമലയില് ഭക്തന്മാര്ക്കെതിരായ നിയന്ത്രണങ്ങള്ക്കും എതിരെ ബി.ജെ.പിയും സംഘപരിവാര് സംഘടനകളും പ്രതിഷേധം കടുപ്പിക്കുന്നതിനിടയില് ബി.ജെ.പി ദേശീയ അദ്ധ്യക്ഷന് അമിത് ഷാ ശബരിമല സന്ദര്ശിക്കാനൊരുങ്ങുന്നു.
ശബരിമലയിലേക്ക് വരാനുള്ള സന്നദ്ധത അദ്ദേഹം കേരളത്തിലെ നേതാക്കളെ അറിയിച്ചു. അഞ്ച് സംസ്ഥാനങ്ങളിലേക്കുള്ള തിരഞ്ഞെടുപ്പ് പ്രചാരണത്തിനിടിയില് സമയം കണ്ടെത്തിയാണ് അമിത് ഷാ ശബരിമലയിലെത്തുക.
ഈ മണ്ഡല കാലത്തിനുള്ളില് തന്നെ അമിത് ഷാ ശബരിമലയിലെത്തുമെന്നാണ് ബി.ജെ.പി കേന്ദ്രങ്ങള് വ്യക്തമാക്കുന്നത്. കഴിഞ്ഞ ദിവസങ്ങളിൽ ബി.ജെ.പി സംസ്ഥാന ജനറല് സെക്രട്ടറി കെ.സുരേന്ദ്രന് വിഎച്ച്പി നേതാവ് ശശികല എന്നിവരെ പോലീസ് അറസ്റ്റ് ചെയ്തിരുന്നു. ഇതിനെതിരെ സർക്കാരിനെതിരെ പ്രതിഷേധം ശക്തമാകുകയാണ്.
പ്രതികരിക്കാൻ ഇവിടെ എഴുതുക