ഹര്ത്താലുമായി ബന്ധപ്പെട്ട് ഇന്ന് വൈകുന്നേരം വരെയുളള കണക്കനുസരിച്ച് സംസ്ഥാനത്ത് 559 കേസുകള് രജിസ്റ്റര് ചെയ്തതായി സംസ്ഥാന പൊലീസ് മേധാവി അറിയിച്ചു. ഇതുവരെ 745 പേര് അറസ്റ്റിലായിട്ടുണ്ട്. കരുതല് തടങ്കലില് എടുത്തവരുടെ എണ്ണം 628 ആയി ഉയര്ന്നു.
സംസ്ഥാന സ്പെഷ്യല് ബ്രാഞ്ചും രഹസ്യാന്വേഷണം നടത്തി അക്രമികളുടെ ലിസ്റ്റ് തയ്യാറാക്കി ജില്ലാ പോലീസ് മേധാവിമാര്ക്ക് കൈമാറും. അക്രമികളുടെയും സംശയിക്കപ്പെടുന്നവരുടെയും മൊബൈല് ഫോണുകള് പിടിച്ചെടുത്ത് ഡിജിറ്റല് പരിശോധന നടത്തും.
ആവശ്യമെങ്കില് അവരുടെ വീടുകളില് ആയുധങ്ങള് കണ്ടെത്തുന്നതിനും മറ്റുമായി പരിശോധന നടത്തുംഅതേ സമയം ഹര്ത്താലിനെ നേരിടാന് പൊലീസിന്റെ പ്രത്യേക പദ്ധതി. ബ്രോക്കൻ വിൻഡോ എന്ന പേരിൽ പ്രത്യേക ഓപ്പറേഷൻ തുടങ്ങുമെന്ന് പൊലീസ് വ്യക്തമാക്കി.
അക്രമസംഭവങ്ങളില് പങ്കെടുത്തവരെ അറസ്റ്റ് ചെയ്യുന്നതിന് എല്ലാ ജില്ലാപോലീസ് മേധാവിമാരും പ്രത്യേക സംഘത്തിന് രൂപം നല്കും. ഇത്തരം കുറ്റവാളികളുടെ ഡാറ്റാബേസ് എല്ലാ ജില്ലകളിലും സൂക്ഷിക്കുകയും ഭാവിയില് അവ കൃത്യമായി നിരീക്ഷിക്കുകയും ചെയ്യും.
കുറ്റക്കാരെ ഉള്പ്പെടുത്തി ഫോട്ടോ ആല്ബം തയ്യാറാക്കുന്നതിന് ജില്ലാ പോലീസ് മേധാവിമാര് ഡിജിറ്റല് ടീമിന് രൂപം നല്കുകയും കുറ്റക്കാരെ അറസ്റ്റ് ചെയ്യുന്നതിന് ഈ ആല്ബം ഉദ്യോഗസ്ഥര്ക്കിടയില് പ്രചരിപ്പിക്കുകയും ചെയ്യും. സാമൂഹ്യമാധ്യമങ്ങളിലൂടെ കമ്മ്യൂണല് ക്യാമ്പയിന്, ഹെയ്റ്റ് ക്യാമ്പയിന് എന്നിവ നടത്തുന്നവര്ക്കെതിരെ എല്ലാ ജില്ലകളിലും കേസ്സുകള് രജിസ്റ്റര് ചെയ്യും.
അത്തരം പോസ്റ്റുകള് ഉണ്ടാക്കി വിവിധ നവമാധ്യമങ്ങളില് പ്രചരിപ്പിക്കുന്നവരെ അറസ്റ്റ് ചെയ്ത് നടപടിയെടുക്കുമെന്നും സംസ്ഥാന പോലീസ് മേധാവി അറിയിച്ചു. ശബരിമല കർമ്മസമിതിയുടെ ഹർത്താലിൽ സംസ്ഥാനത്ത് വ്യാപക അക്രമമാണ് ഉണ്ടായത്. തെക്കൻ ജില്ലകളില് അക്രമം വ്യാപകമായിരുന്നു
പ്രതികരിക്കാൻ ഇവിടെ എഴുതുക