ഫെബ്രുവരി 14ന് വിപണി കീഴടക്കാൻ ഒരുങ്ങി മഹീന്ദ്രയുടെ പുതിയ മോഡല്. മഹീന്ദ്ര ആന്ഡ് മഹീന്ദ്രയുടെ കോംപാക്ട് എക്സ് യു വി 300 ആണ് വിപണിയിലെത്തുന്നത്. ഡബ്ല്യു ഫോര്, ഡബ്ല്യു സിക്സ്, ഡബ്ല്യു എയ്റ്റ് എന്നീ മൂന്നു വകഭേദങ്ങളിലാണ് ‘എക്സ് യു വി 300’ വിപണിയിലെത്തുക.
‘എക്സ് യു വി 300’വില എട്ടു ലക്ഷം രൂപയ്ക്കും 12 ലക്ഷം രൂപയ്ക്കുമിടയിലാകും. വാഹനത്തിന്റെ ബുക്കിങ് ഒരാഴ്ച മുന്പ് തുടങ്ങിക്കഴിഞ്ഞു. ഇതിനായി 20,000 രൂപയാണ് അഡ്വാന്സ് ഈടാക്കുന്നത്. മഹീന്ദ്രയുടെ ഉപസ്ഥാപനവും ദക്ഷിണ കൊറിയന് നിര്മാതാക്കളുമായ സാങ്യങ്ങിന്റെ ‘ടിവൊലി’ പ്ലാറ്റ്ഫോം ആധാരമാക്കിയാണ് ‘എക്സ് യു വി 300’ ഒരുക്കിയിരിക്കുന്നത്.
കോംപാക്ട് എസ് യു വിപണിയിലെത്തുമ്പോൾ ഈ ഡീസല് എന്ജിന് 300 എന് എമ്മോളം ടോര്ക്ക് സൃഷ്ടിക്കും. ഒപ്പമുള്ള 1.2 ലീറ്റര് പെട്രോള് എന്ജിനാവട്ടെ 200 എന് എമ്മോളം ടോര്ക്കും സൃഷ്ടിക്കാനാവും. ആറു സ്പീഡ് മാനുവല് ഗീയര്ബോക്സാവും ഇരു എന്ജിനുകള്ക്കുമൊപ്പമുള്ള ട്രാന്സ്മിഷന്.
അടിസ്ഥാന വകഭേദമായ ‘ഡബ്ല്യു ഫോറി’ല് തന്നെ എയര്ബാഗ്, ആന്റി ലോക്ക് ബ്രേക്ക് സംവിധാനം, എല്ലാ വീലിലും ഡിസ്ക് ബ്രേക്ക്, എല് ഇ ഡി ടെയില് ലാംപ്, നാലു പവര് വിന്ഡോ തുടങ്ങിയവ മഹീന്ദ്ര വാഗ്ദാനം ചെയ്യുന്നുണ്ട്. മുന്തിയ പതിപ്പിലാവട്ടെ മുന് പാര്ക്കിങ് സെന്സര്, 16 ഇഞ്ച് ഡയമണ്ട് കട്ട് അലോയ് വീല്, ഇരട്ട സോണ് ഓട്ടമാറ്റിക് ക്ലൈമറ്റ് കണ്ട്രോള്, എട്ട് ഇഞ്ച് ടച് സ്ക്രീന്, സണ് റൂഫ്, ഏഴ് എയര്ബാഗ് തുടങ്ങിയവയൊക്കെയുണ്ടാവും.
പ്രതികരിക്കാൻ ഇവിടെ എഴുതുക