മുംബൈ: സ്കൂള് ഉച്ച ഭക്ഷണത്തില് പാമ്പിന്റെ അവശിഷ്ടങ്ങള് കണ്ടെത്തി. മഹാരാഷ്ട്രയിലെ നാന്ദേഡിലുള്ള ഗാര്ഗവന് ജില്ലാ പരിഷത്ത് പ്രൈമറി സ്കൂളിലാണ് സംഭവം. ഇതേ തുടര്ന്ന് ജില്ലാ വിദ്യാഭ്യാസ വകുപ്പ് അന്വേഷണത്തിന് ഉത്തരവിട്ടു.
ബുധനാഴ്ച ഉച്ചയ്ക്കായിരുന്നു സംഭവം. കുട്ടികള്ക്ക് ഭക്ഷണം വിളമ്പുന്നതിനായി ജീവനക്കാര് നോക്കിയപ്പോഴാണ് പാത്രത്തില് പാമ്പിന്റെ അവശിഷ്ടങ്ങള് കണ്ടെത്തിയത്. തുടര്ന്ന് ജില്ലാ വിദ്യാഭ്യാസ വകുപ്പ് ഉച്ചഭക്ഷണ വിതരണം നിര്ത്തിവെയ്ക്കാന് ഉത്തരവിട്ടു.
ഈ സംഭവം വളരെ ഗൗരവമായിട്ടാണ് കാണുന്നത്. ഡിഇഒയുടെ നേതൃത്വത്തില് സ്കൂളില് പരിശേധന നടത്തുന്നതിനായി ഒരു അന്വേഷണ സംഘത്തെ നിയമിച്ചിട്ടുണ്ട്. ഇവരുടെ റിപ്പോര്ട്ടിന്റെ അടിസ്ഥാനത്തില് ആവശ്യമായ നടപടി സ്വീകരിക്കുന്നതായിരിക്കും എന്ന് ജില്ലാ വിദ്യാഭ്യാസ വകുപ്പ് ഉദ്യോഗസ്ഥന് പ്രശാന്ത് പറഞ്ഞു.
പ്രാദേശിക സംഘടനയ്ക്കാണ് സ്കൂളില് ഉച്ചഭക്ഷണം തയ്യാറാക്കുന്നതിനുള്ള ചുമതല സ്കൂള് കമ്മിറ്റി നല്കിയിരിക്കുന്നതെന്നും അദ്ദേഹം കൂട്ടിച്ചേര്ത്തു. ഒന്ന് മുതല് നാല് വരെയുള്ള ക്ലാസുകളിലായി ഏകദേശം എണ്പതോളം കുട്ടികള് ഇവിടെ പഠിക്കുന്നുണ്ട്.
പ്രതികരിക്കാൻ ഇവിടെ എഴുതുക