തിരുവനന്തപുരം: ഇന്ത്യന് മഹാസമുദ്രത്തില് രൂപം കൊണ്ട ന്യൂനമര്ദം ചുഴലിക്കാറ്റായി മാറുമെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. അതിനാൽ കേരളത്തില് കനത്ത മഴക്കും ശക്തമായ കാറ്റിനും സാധ്യതയുള്ളതിനാല് ജാഗ്രത പാലിക്കണമെന്നും ദുരന്ത നിവാരണ അതോറിറ്റി അറിയിച്ചു. എട്ട് ജില്ലകളില് ചൊവ്വാഴ്ച വരെ യെല്ലോ അലര്ട്ടും പ്രഖ്യാപിച്ചു.
കോട്ടയം, എറണാകുളം, ഇടുക്കി, തൃശൂര്, പാലക്കാട്, മലപ്പുറം, കോഴിക്കോട്, വയനാട് എന്നീ ജില്ലകളിലാണ് യെല്ലോ അലര്ട്ട്. കടല് പ്രക്ഷുബ്ധമാകാനിടയുള്ളതിനാല് മത്സ്യത്തൊഴിലാളികള് ജാഗ്രത പുലര്ത്തണമെന്നും. ആഴക്കടലില് മത്സ്യബന്ധനത്തിന് പോയവര് തൊട്ടടുത്ത തീരത്തേക്ക് ഉടന് മടങ്ങണമെന്നും കാലാവസ്ഥ നിരീക്ഷണ കേന്ദ്രം അറിയിക്കുന്നു.
മണിക്കൂറില് 115 കിലോമീറ്റര് വേഗതയിലാകും ഫാനി വീശിയടിക്കുക.അടുത്ത 24 മണിക്കൂറിനുള്ളില് അതിതീവ്ര ന്യൂനമര്ദമാകും. ചൊവ്വാഴ്ചയോടെ ചുഴലിക്കാറ്റായി തമിഴ്നാട് – ആന്ധ്രാ തീരത്ത് പതിക്കുമെന്നാണ് മുന്നറിയിപ്പ്. മണിക്കൂറില് 115 കിലോമീറ്റര് വേഗതയിലാകും ഫാനി വീശിയടിക്കുക.
ന്യൂനമര്ദത്തിന്റെ സ്വാധീനം മൂലം 28, 29 തിയ്യതികളില് കേരളത്തിലും കര്ണാടക തീരത്തും ശക്തമായ മഴയും കാറ്റുമുണ്ടാകും.
പ്രതികരിക്കാൻ ഇവിടെ എഴുതുക