സംസ്ഥാനത്ത് കൊറോണ വൈറസ് ബാധ സ്ഥിരീകരിച്ച സാഹചര്യത്തില് എല്ലാ ജില്ലകളിലും ജാഗ്രതാ നിര്ദേശം നല്കിയതായി ആരോഗ്യമന്ത്രി കെ.കെ. ശൈലജ അറിയിച്ചു. കൊറോണ ബാധ സംശയിക്കുന്നവരുടെ പരിചരണത്തിന് ആരോഗ്യ പ്രവര്ത്തകര്ക്ക് പ്രത്യേക പരിശീലനം നല്കുമെന്നും തൃശൂരില് ഡോക്ടര്മാരുള്പ്പെടെയുള്ള വിദഗ്ധരുമായി നടത്തിയ അവലോകന യോഗത്തിന് ശേഷം മന്ത്രി പറഞ്ഞു.
കൂടുതല് മാസ്കും മറ്റ് ആവശ്യ വസ്തുക്കളും ശേഖരിക്കും. ഇതിനായി ഐഎംഎ അടക്കമുള്ള സംഘടനകളുടെ യോഗം വിളിച്ചു ചേര്ക്കുമെന്നും മന്ത്രി അറിയിച്ചു. അതേസമയം, ആശങ്കപ്പെടേണ്ട സാഹചര്യമില്ലെന്നും നിലവില് രോഗബാധ സ്ഥിരീകരിച്ച കുട്ടിയുടെ നില മെച്ചപ്പെട്ടു വരികയാണെന്നും മന്ത്രി വ്യക്തമാക്കി.
പ്രതികരിക്കാൻ ഇവിടെ എഴുതുക