ഫഹദ് ഫാസിലിനെ നായകനാക്കി അന്വര് റഷീദ് സംവിധാനം ചെയ്യുന്ന ട്രാന്സിന്റെ ഔദ്യോഗിക ട്രെയ്ലര് പുറത്തെത്തി. വിവാഹശേഷം ഫഹദിനൊപ്പം നസ്രിയ വീണ്ടും വേഷമിടുന്നു എന്ന പ്രത്യേകതയും ട്രാന്സിനുണ്ട്.
അന്വര് റഷീദ് എന്റര്ടെയിന്മെന്റ് നിര്മിക്കുന്ന ചിത്രത്തില് ഗൗതം വാസുദേവ് മേനോന്, സൗബിന് ഷാഹിര്, ചെമ്പന് വിനോദ്, ശ്രീനാഥ് ഭാസി, ജോജു ജോര്ജ്, ധര്മജന്, ആഷിക്ക് അബു, ബൈജു, അശ്വതി മേനോന്, ദിലീഷ് പോത്തന്, വിനീത് വിശ്വന് എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
ബാംഗ്ലൂര് ഡേയ്സ്, പ്രേമം, പറവ എന്നീ ബ്ലോക്ക്ബസ്റ്റര് ചിത്രങ്ങള്ക്കുശേഷം അന്വര് റഷീദ് എന്റര്ടെയ്ന്മെന്റ് നിര്മിക്കുന്ന നാലാമത്തെ സിനിമയാണ് ട്രാന്സ്. ഏഴ് വര്ഷത്തിനുശേഷം അന്വര് റഷീദ് സംവിധാനം ചെയ്യുന്ന ചിത്രം കൂടിയാണിത്. റസൂല് പൂക്കുട്ടിയാണ് ശബ്ദമിശ്രണം.
ഫെബ്രുവരി 20-ന് ചിത്രം തിയ്യറ്ററുകളിലെത്തും.
പ്രതികരിക്കാൻ ഇവിടെ എഴുതുക