ന്യൂഡൽഹി: വടക്കുകിഴക്കൻ ഡൽഹിയിൽ പൗരത്വ നിയമത്തെ എതിർക്കുന്നവരും അനുകൂലിക്കുന്നവരും തമ്മില് സംഘര്ഷം തുടരുന്നു. മൗജ്പുരിലും ബ്രഹ്മപുരിയിലും ഇന്നു രാവിലെ ഇരുവിഭാഗങ്ങള് തമ്മില് കല്ലേറുണ്ടായി. ബ്രഹ്മപുരിയില് പൊലീസ് ഫ്ലാഗ് മാര്ച്ച് നടത്തി.
സ്ഥിതിഗതികൾ വിലയിരുത്താൻ മുഖ്യമന്ത്രി അരവിന്ദ് കേജ്രിവാള് ഉന്നതതല യോഗം വിളിച്ചു. സംഘര്ഷമുണ്ടായ പ്രദേശത്തെ എംഎല്എമാരും ഉദ്യോഗസ്ഥരും യോഗത്തില് പങ്കെടുക്കും.
പേരു ചോദിച്ചാണ് ആക്രമണം നടത്തിയതെന്ന് പ്രദേശവാസികൾ പറഞ്ഞു. കഴിഞ്ഞദിവസത്തെ സംഘര്ഷത്തില് 5 പേരാണു മരിച്ചത്. 105 പേര്ക്ക് പരുക്കേറ്റു. എട്ടുപേരുടെ നില ഗുരുതരമാണ്.
ഡല്ഹിയില് പത്തിടങ്ങളില് നിരോധനാജ്ഞ തുടരുകയാണ്. അഞ്ച് മെട്രോസ്റ്റേഷനുകള് അടച്ചു.
അതേസമയം കലാപത്തിന് ആഹ്വാനം ചെയ്ത ബിജെപി നേതാവ് കപില് മിശ്രയെ അറസ്റ്റ് ചെയ്യണമെന്നാവശ്യപ്പെട്ട് ജാമിയ കോര്ഡിനേഷന് കമ്മിറ്റി പൊലീസില് പരാതി നല്കി.
അക്രമം ഉണ്ടാകുന്ന സ്ഥലങ്ങളില് കൂടുതല് പൊലീസിനെ വിന്യസിക്കാമെന്നു ഡല്ഹി പൊലീസ് സ്പെഷല് കമ്മിഷണര് രാജേഷ് ഖുറാന ആം ആദ്മി നേതാക്കള്ക്ക് ഉറപ്പ് നല്കി. എട്ട് സിആർപിഎഫ് കമ്പനി സേനയും റാപിഡ് ആക്ഷൻ ഫോഴ്സും വനിതാ സുരക്ഷാ സേനയും സ്ഥലത്ത് നിലയുറപ്പിച്ചിട്ടുണ്ട്.
അതേസമയം പൗരത്വ നിയമത്തിനെതിരെ ജാഫറാബാദിൽ റോഡ് ഉപരോധിച്ചുള്ള സമരം തുടരുകയാണ്. സാമുദായിക ഐക്യം നിലനിര്ത്തണമെന്ന് ഡല്ഹിയിലെ ജനങ്ങളോടു കോണ്ഗ്രസ് അധ്യക്ഷ സോണിയ ഗാന്ധി അഭ്യർഥിച്ചു.
പ്രതികരിക്കാൻ ഇവിടെ എഴുതുക