റിയാലിറ്റി ഷോയില് നിന്ന് പുറത്താക്കപ്പെട്ട രജിത് കുമാറിന്, വിലക്ക് ലംഘിച്ച് നെടുമ്പാശ്ശേരി വിമാനത്താവളത്തില് സ്വീകരണം നല്കിയതിനെതിരെ മന്ത്രി കടകംപള്ളി സുരേന്ദ്രന്. കോവിഡ് സ്ഥിരീകരിച്ചതോടെ സംസ്ഥാനത്ത് വിവാഹങ്ങള്ക്കും ആഘോഷങ്ങള്ക്കും ഉത്സവങ്ങള്ക്കും പെരുന്നാളുകള്ക്കും നിയന്ത്രണമാണ്. കേരളം ഒന്നിച്ച് ഒറ്റക്കെട്ടായി നടത്തുന്ന ഈ പ്രവര്ത്തനങ്ങളെ അവഹേളിക്കുന്ന തരത്തിലാണ് ഇന്നലെ കൊച്ചി വിമാനത്താവളത്തില് ഒരു ടി.വി ഷോയില് നിന്നും പുറത്താക്കപ്പെട്ട മത്സരാര്ത്ഥിക്ക് വേണ്ടി ആള്ക്കൂട്ടം നടത്തിയ അതിരുവിട്ട പ്രകടനമെന്ന് മന്ത്രി വിമര്ശിച്ചു. ഇതിന് നേതൃത്വം നല്കിയവര്ക്ക് എതിരെ നിയമ നടപടി സ്വീകരിക്കാന് സംസ്ഥാന സര്ക്കാര് തീരുമാനിച്ചിട്ടുണ്ട്. കേരളത്തിന്റെ പൊതുജനാരോഗ്യത്തിന് അപകടമുണ്ടാക്കുന്ന ഈ സാമൂഹ്യ വിരുദ്ധരെ നിലയ്ക്ക് നിര്ത്താന് സര്ക്കാര് യാതൊരുവിധ മടിയും കാണിക്കില്ലെന്ന് മന്ത്രി ഫേസ് ബുക്ക് കുറിപ്പില് വ്യക്തമാക്കി.
ഇന്ന് ആറ്റിങ്ങലില് ഒരു സ്വീകരണ പരിപാടി സംഘടിപ്പിക്കുന്നുണ്ടെന്ന തരത്തിലുള്ള സന്ദേശങ്ങൾ സമൂഹ മാധ്യമങ്ങളിൽ കാണാനിടയായി. കോവിഡ് 19ന്റെ പശ്ചാത്തലത്തില് അത്തരത്തിലുള്ള ഒരു ആൾക്കൂട്ടവും അനുവദിക്കാൻ പാടില്ലെന്ന് പൊലീസ് ഉദ്യോഗസ്ഥര്ക്ക് നിർദ്ദേശം നൽകിയിട്ടുണ്ട്. അതിന് മുതിരുന്നവർക്കെതിരെ ശക്തമായ നിയമ നടപടി സ്വീകരിക്കാനും നിർദ്ദേശം നല്കിയിട്ടുണ്ടെന്ന് മന്ത്രി വ്യക്തമാക്കി.
മന്ത്രിയുടെ ഫേസ് ബുക്ക് പോസ്റ്റിന്റെ പൂര്ണരൂപം
സംസ്ഥാനത്ത് കോവിഡ് 19 സ്ഥിരീകരിച്ച സാഹചര്യത്തില് ആളുകള് ഒത്തുകൂടാന് സാധ്യതയുള്ള വിവാഹങ്ങള്ക്കും ആഘോഷങ്ങള്ക്കും പുരാതനവും പ്രസിദ്ധവുമായ ആരാധനാലയങ്ങളിലെ അടക്കം ഉത്സവങ്ങള്ക്കും പെരുന്നാളുകള്ക്കും നിയന്ത്രണം ഏര്പ്പെടുത്തിയിരിക്കുകയാണ്. എന്നാല് കേരളം ഒന്നിച്ച് ഒറ്റക്കെട്ടായി നടത്തുന്ന ഈ പ്രവര്ത്തനങ്ങളെ അവഹേളിക്കുന്ന തരത്തിലാണ് ഇന്നലെ കൊച്ചി വിമാനത്താവളത്തില് ഒരു ടി.വി. ഷോയില് നിന്നും പുറത്താക്കപ്പെട്ട മത്സരാര്ത്ഥിക്ക് വേണ്ടി ഒരു ആള്ക്കൂട്ടം നടത്തിയ അതിരുവിട്ട പ്രകടനം. ഇതിന് നേതൃത്വം നല്കിയവര്ക്ക് എതിരെ നിയമനടപടി സ്വീകരിക്കാന് സംസ്ഥാന സര്ക്കാര് തീരുമാനിച്ചിട്ടുണ്ട്.
ആളുകള് കൂട്ടം കൂടുന്നതും അടുത്ത് ഇടപഴകുന്നതും കൊവിഡ് രോഗബാധ നിയന്ത്രണാതീതമാകുന്നതിന് ഇടയാകുമെന്ന് ലോകമാകെയുള്ള ആരോഗ്യ പ്രവര്ത്തകര് മുന്നറിയിപ്പ് നല്കിയിട്ടുള്ളതാണ്. ഇതനുസരിച്ചുള്ള മുന്കരുതലുകള് സംസ്ഥാനത്തുടനീളം ജാതി മത രാഷ്ട്രീയ ഭേദമില്ലാതെ ആരോഗ്യ വകുപ്പ് സ്വീകരിക്കുമ്പോഴാണ് ആരാധകര് എന്ന പേരില് ഒരു കൂട്ടം ആളുകള് ഈ കോപ്രായം കാണിച്ചത്.
ഇത് ഇനി സംസ്ഥാനത്ത് എവിടെയെങ്കിലും ആവര്ത്തിക്കാന് ശ്രമം ഉണ്ടായാല് ശക്തമായ നടപടിയുണ്ടാകും. കേരളത്തിന്റെ പൊതുജനാരോഗ്യത്തിന് അപകടമുണ്ടാക്കുന്ന ഈ സാമൂഹ്യ വിരുദ്ധരെ നിലയ്ക്ക് നിര്ത്താന് സര്ക്കാര് യാതൊരുവിധ മടിയും കാണിക്കില്ലെന്ന് ആവര്ത്തിക്കുന്നു.
https://www.facebook.com/kadakampally/posts/3030621370316106?__xts__%5B0%5D=68.ARD7SHTkbQvw3j-BoF1N0GFg4LmjfzUXfO-dvJoIupK7K98WOcIGhOe96BBqP3Z5HEC3RPwACHdnGbwc0qI4YtKpKTOGUy43ULkinBqsMJsozZVYi0aYwbN5QSRsIxf2xlGifh6pn3uiZZCsXJ4tIlUbEd8utlIj93d_3T4rfm0skLd_I4_ipOTlNyTGHcqLW2hf-E4MY2pD6ctoiedqLKaaCUnj1r0eUm7R_nfg6mbESNzLU47wr2SRoyZ7qjW1KAF2OkWI4k4i7pxglVzrcRZTdLesQSzMne5y-2XUWeA0pnzOgcylFzqpuqlgaWUln4JWdiHTsjvDKeBYs_U3Jg&__tn__=-R
പ്രതികരിക്കാൻ ഇവിടെ എഴുതുക