ലോക്ഡൗണില് കേരളത്തില് കുടുങ്ങിയ 112 ഫ്രഞ്ച് വിനോദ സഞ്ചാരികളെ നാട്ടിലേക്ക് തിരികെ അയച്ചെന്ന് മുഖ്യമന്ത്രി പിണറായി വിജയന്.
സഞ്ചാരികളെ തിരിച്ചുകൊണ്ടു പോകുന്നതിനു വേണ്ടി ഫ്രഞ്ച് എംബസി ബന്ധപ്പെട്ടപ്പോള് സര്ക്കാര് പരിപൂര്ണ പിന്തുണ നല്കുകയും അവശ്യമായ സജ്ജീകരണങ്ങള് ഒരുക്കുകയും ചെയ്തതായി അദ്ദേഹം ഫേസ്ബുക്ക് കുറിപ്പില് പറഞ്ഞു.
ടൂറിസ്റ്റുകളില് ആര്ക്കും തന്നെ രോഗലക്ഷണങ്ങള് ഇല്ലായിരുന്നെന്നും അവരില് ഭൂരിഭാഗം പേരും 14 ദിവസത്തെ നിരീക്ഷണം പൂര്ത്തിയാക്കിയവരും അല്ലാത്തവര് ടെസ്റ്റ് റിസള്ട്ട് നെഗറ്റീവ് ആയവരും ആണെന്നും അദ്ദേഹം പറഞ്ഞു.വിനോദസഞ്ചാരികളുടെ യാത്രയ്ക്ക് വേണ്ട കാര്യങ്ങള് ഏകോപിപ്പിക്കുകയും സജ്ജീകരണങ്ങള് ഒരുക്കുകയും ചെയ്ത ടൂറിസം വകുപ്പിനെ പ്രത്യേകം അഭിനന്ദിക്കുന്നതായി മുഖ്യമന്ത്രി ഫേസ്ബുക്കില് കുറിച്ചു.
നേരത്തെ. യൂറോപ്യന് യൂണിയനില് ഉള്പ്പെടുന്ന രാജ്യങ്ങളിലെ 232 പൗരന്മാരെ തിരികെ സ്വന്തം നാടുകളിലേക്ക് തിരികെയെത്തിച്ചിരുന്നു. ജര്മനിയില് നിന്ന് കേരളത്തില് എത്തിവരായിരുന്നു ഇതില് കൂടുതല് ഉണ്ടായിരുന്നത്. സംസ്ഥാനത്തെ 13 ജില്ലകളിലായി കുടുങ്ങിക്കിടന്നവരായിരുന്നു ഇവര്.
പ്രതികരിക്കാൻ ഇവിടെ എഴുതുക