തിരുവനന്തപുരം: സംസ്ഥാനത്ത് ഇന്ന് പുതുതായി 6 പേര്ക്ക് കോവിഡ് സ്ഥിരീകരിച്ചു. ഈ ആറുപേരും കണ്ണൂര് ജില്ലിയില് നിന്നുള്ളവാരണ്. അഞ്ച് പേര് വിദേശത്തുനിന്നെത്തിയവരാണ്. ഒരാള്ക്ക് സമ്ബര്ക്കത്തിലൂടെയാണ് രോഗം സ്ഥിരീകരിച്ചതെന്ന് മുഖ്യമന്ത്രി അറിയിച്ചു. കോവിഡ് അവലോകനയോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു പിണറായി.
കോവിഡ് സ്ഥിരീകരിച്ച 21 പേരുടെ പരിശോധനാഫലം നെഗറ്റീവായി. ഇതില് 19 പേര് കാസര്കോട് ജില്ലക്കാരാണ്. 2 പേര് ആലപ്പുഴയില് നിന്നുള്ളവരാണെന്ന് മുഖ്യമന്ത്രി പറഞ്ഞു. ഇതുവരെ സംസ്ഥാനത്ത് 408 പേര്ക്കാണ് കോവിഡ് സ്ഥിരീകരിച്ചത്. നിലവില് 114 പേരാണ് വിവിധ ആശുപത്രികളില് ചികിത്സയില് കഴിയുന്നത്.
46,321 പേര് സംസ്ഥാനത്ത് നിരീക്ഷണത്തില് കഴിയുന്നു. ഇതില് 45,925 പേര് വീടുകളിലാണ്. രോഗലക്ഷണങ്ങളുള്ള 398 പേര് വിവിധ ആശുപത്രികളില് നിരീക്ഷണത്തിലാണ്. ഇന്ന് മാത്രം 62 പേരെയാണ് ആശുപത്രികളില് പ്രവേശിപ്പിച്ചത്. 19, 756 സ്രവസാമ്ബിളുകള് പരിശോധനയ്ക്ക് അയച്ചു. 19,074 സാമ്ബിളുകള് നെഗറ്റീവാണെന്ന് കണ്ടെത്തിയതായും മുഖ്യമന്ത്രി പറഞ്ഞു.
പ്രതികരിക്കാൻ ഇവിടെ എഴുതുക