സംസ്ഥാനത്ത് ഇന്ന് 13 പേര്ക്ക് കോവിഡ് സ്ഥിരീകരിച്ചു. കോട്ടയം– 6, ഇടുക്കി –4, പാലക്കാട്, മലപ്പുറം, കണ്ണൂർ ഒന്നു വീതം രോഗികൾ. 13 പേർക്കു രോഗം ഭേദമായി. കൊറോണ അവലോകന യോഗത്തിനു ശേഷം മുഖ്യമന്ത്രി പിണറായി വിജയനാണ് ഇക്കാര്യം വാര്ത്താസമ്മേളനത്തില് അറിയിച്ചത്.
ഇന്ന് 13 പേരുടെ ഫലം നെഗറ്റീവായിട്ടുണ്ട്. കണ്ണൂരില് ആറുപേര്ക്കും കോഴിക്കോട്ട് നാലുപേര്ക്കും തിരുവനന്തപുരം, എറണാകുളം, മലപ്പുറം എന്നിവിടങ്ങളില് ഓരോരുത്തര്ക്കുമാണ് ഇന്ന് നെഗറ്റീവായത്. ഇതുവരെ 481 പേര്ക്കാണ് സംസ്ഥാനത്ത് കോവിഡ്-19 സ്ഥിരീകരിച്ചിട്ടുള്ളത്. ഇതില് 123 പേര് ചികിത്സയിലാണ്.
20,301 പേരാണ് ആകെ നിരീക്ഷണത്തിലുള്ളത്. ഇതില് 19,812 പേര് വീടുകളില് നിരീക്ഷണത്തില് കഴിയുന്നുണ്ട്. 489 പേര് ആശുപത്രിയിലാണ് നിരീക്ഷണത്തിലുള്ളത്. ഇന്നു മാത്രം 104 പേരെ ആശുപത്രിയില് പ്രവേശിപ്പിച്ചു. 23,271 സാമ്പിളുകള് പരിശോധനയ്ക്ക് അയച്ചു. ഇതില് 22,537 എണ്ണത്തില് രോഗബാധയില്ലെന്ന് സ്ഥിരീകരിച്ചു.
ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ളവര് തുടങ്ങി ഇത്തരത്തില് മുന്ഗണനാ ഗ്രൂപ്പില്നിന്ന് 875 സാമ്പിളുകള് ശേഖരിച്ച് പരിശോധനയ്ക്ക് അയച്ചിരുന്നു. ഇതില് 611 സാമ്പിളുകള് നെഗറ്റീവായിട്ടുണ്ടെന്നും മുഖ്യമന്ത്രി അറിയിച്ചു.
കേരളം ഉന്നയിക്കാനിരിക്കുന്ന കാര്യങ്ങള് ഇന്നലെ തന്നെ പ്രധാനമന്ത്രിയെയും ആഭ്യന്തരമന്ത്രിയെയും ധരിപ്പിച്ചു. കേന്ദ്രത്തിന്റെ മാര്ഗ നിര്ദേശങ്ങൾക്കനുസരിച്ച് ഇളവുകള് നിര്ണയിച്ചു. ലോക്ഡൗണ് പിന്വലിക്കുന്നത് ശ്രദ്ധയോടെ വേണം. ഭാഗികമായലോക്ക് ഡൗണ് മെയ് 15 വെര തുടരണമെന്ന് അഭിപ്രായപ്പെട്ടു. പുതുതായി കേസുകള് റിപ്പോര്ട്ട് ചെയ്യപ്പെടാത്ത ജില്ലകളില് നിയന്ത്രണങ്ങളോടെ ലോക്ക്ഡൗണ് പിന്വലിക്കാൻ നിര്ദേശം നല്കി. അന്തര് ജില്ലാ അന്തര് സംസ്ഥാന പൊതുഗതാഗതം മെയ് 15 വരെ വേണ്ടെന്ന് വക്കാന് നിര്ദേശം നല്കി
പ്രതികരിക്കാൻ ഇവിടെ എഴുതുക