സിസ്റ്റര് ലൂസി കളപ്പുരയ്ക്കെതിരെ ഫ്രാന്സിസ്കന് ക്ലാരിസ്റ്റ് (ഫ്രാന്സിസ്കന് ക്ലാരിസ്റ്റ് കോണ്ഗ്രിഗേഷന്-എഫ്സിസി) സന്യാസിനി സമൂഹം വീണ്ടും രംഗത്തെത്തി. സിസ്റ്റര് ലൂസി കളപ്പുര മഠത്തിലെ അംഗമല്ലാത്തതിനാല് കാരയ്ക്കാമലയിലെ മുറിയില് നിന്നും ഇറങ്ങി പോകുന്നതാണ് മാന്യതയെന്ന് എഫ്സിസി വാര്ത്താക്കുറിപ്പില് വ്യക്തമാക്കി. ലൂസി കളപ്പുര അനധികൃതമായാണ് മഠത്തില് താമസിക്കുന്നതെന്ന് മാനന്തവാടി എഫ്സിസി പ്രൊവിന്ഷ്യല് സുപ്പീരിയര് സിസ്റ്റര് ജ്യോതി മരിയ പറയുന്നു.
മഠത്തില് ജീവന് സുരക്ഷിതമല്ലെങ്കില് സുരക്ഷിതസ്ഥാനത്തേയ്ക്ക് പോകുന്നതാണ് ഉചിതം. വഞ്ചിസ്ക്വയര് സമരത്തില് പങ്കെടുത്തതിന്റെ പേരിലാണ് ലൂസി കളപ്പുരയ്ക്കെതിരെ സഭ നടപെടിയെടുത്തതെന്ന വാദം അടിസ്ഥാന രഹിതമാണ്. പുറത്താക്കല് ഉത്തരവിലും അതിന് മുമ്ബായി നല്കിയ കാരണം കാണിക്കല് നോട്ടീസിലും വഞ്ചിസ്ക്വയര് സമരത്തില് പങ്കെടുത്തതിനെക്കുറിച്ച് ലൂസി കളപ്പുരയ്ക്കല് പ്രതിപാദിക്കുക പോലും ചെയ്തിട്ടില്ലെന്നും സിസ്റ്റര് ജ്യോതി മരിയ വാര്ത്താക്കുറിപ്പിലൂടെ അറിയിച്ചു.
പ്രതികരിക്കാൻ ഇവിടെ എഴുതുക