തിരുവനന്തപുരം: പ്രവാസികള്ക്ക് കൊവിഡ് പരിശോധനയ്ക്കുള്ള ട്രൂനാറ്റ് കിറ്റ് കേരളം ലഭ്യമാക്കുമെന്ന് മുഖ്യമന്ത്രി പിണറായി വിജയന്. പരിശോധനാ സൗകര്യം ഇല്ലാത്ത രാജ്യങ്ങള്ക്ക് സംസ്ഥാനം കിറ്റ് നല്കുമെന്നും അദ്ദേഹം അറിയിച്ചു.
ഐ.സി.എം.ആര് അംഗീകാരം നല്കിയിരിക്കുന്ന ടാറ്റാ ട്രസ്റ്റ് ഓഹരിയുടമകളായ മോള്ബിയോ ഡയഗ്നോസ്റ്റിക്സ് എന്ന കമ്പനി കഴിഞ്ഞ ഏപ്രില് മാസം വികസിപ്പിച്ചെടുത്ത കൊവിഡ് 19 സ്ക്രീനിംഗ് ടെസ്റ്റ് കിറ്റ് ആണ് ട്രൂനാറ്റ്. അടിയന്തര ഘട്ടങ്ങളില് ഐസൊലേഷന് സംവിധാനങ്ങളിലേക്ക് മാറ്റുന്നത് പോലുള്ള ആവശ്യങ്ങള്ക്ക് കൊവിഡ് പരിശോധിക്കാനുള്ള തത്സമയ പി.സി.ആര് ടെസ്റ്റ് ആണ് ഇത്.
അതേസമയം സംസ്ഥാനത്ത് ഇന്ന് 97 പേര്ക്ക് കൊവിഡ് സ്ഥിരീകരിച്ചു. 89 പേര്ക്ക് രോഗം ഭേദമായി.
1358 പേരാണ് നിലവില് സംസ്ഥാനത്ത് ചികിത്സയിലുള്ളത്. വിദേശത്ത് നിന്നെത്തിയ 65 പേര്ക്ക് രോഗം ബാധിച്ചു.
മറ്റ് സംസ്ഥാനങ്ങളില് നിന്നെത്തിയ 29 പേര്ക്കും രോഗം സ്ഥിരീകരിച്ചിട്ടുണ്ട്. മൂന്ന് പേര്ക്ക് സമ്പര്ക്കം വഴിയാണ് രോഗം സ്ഥിരീകരിച്ചത്.
പ്രതികരിക്കാൻ ഇവിടെ എഴുതുക