പോലീസിനെതിരെ ശക്തമായ പ്രതികരണവുമായി നടൻ രജനികാന്ത്. തൂത്തുക്കുടി കസ്റ്റഡി കൊലപാതകത്തിലാണ് നടന്റെ പ്രതികരണം . പ്രതികളായ പോലീസുകാരെ വെറുതെ വിടരുതെന്നും കൊല്ലപ്പെട്ട ജയരാജിനും മകൻ ബെന്നിക്സിനും നീതി ലഭിക്കണമെന്നും രജനികാന്ത് ട്വിറ്ററില് കുറിച്ചു.
രജനീകാന്ത് ആദ്യമായാണ് വിഷയത്തില് പ്രതികരിക്കുന്നത്.
”തൂത്തുക്കുടിയില് അച്ഛനെയും മകനെയും ക്രൂരമായി മര്ദ്ദിച്ച് കൊലപ്പെടുത്തിയതും മജിസ്ട്രേറ്റിനെ കേസന്വേഷിക്കുന്നതില് പൊലീസ് നിന്ന് തടയാന് ശ്രമിച്ചതും ഒരു പോലെ നടുക്കമുണ്ടാക്കുന്നതാണ്. കൊലപാതകത്തില് ഉള്പ്പെട്ട എല്ലാ പൊലീസുകാര്ക്കും ശിക്ഷ ഉറപ്പാക്കണം. പ്രതികളെ കഠിനമായി ശിക്ഷിക്കണം. ഒരിക്കലും രക്ഷപ്പെടരുത്”- രജനികാന്ത് കുറിച്ചു.
ജൂണ് 19ന് ലോക്ക്ഡൗണ് നിയന്ത്രണങ്ങള് പ്രകാരം അനുവദിക്കപ്പെട്ട സമയം കഴിഞ്ഞിട്ടും കടയടച്ചില്ല എന്ന് ചൂണ്ടിക്കാട്ടി മരവ്യാപാരിയും മൊബൈല് കടയുടമയുമായ ജയരാജനെ പോലീസ് കസ്റ്റഡിയിലെടുത്തു. അച്ഛനെ പോലീസ് പിടിച്ചതറിഞ്ഞ് എത്തിയ ബെന്നിക്സ് കണ്ടത് പൊലീസുകാര് ജയരാജനെ മര്ദ്ദിക്കുന്നതാണ്.
പോലീസിനെ ആക്രമിച്ചു, അസഭ്യം വിളിച്ചു എന്നു പറഞ്ഞ് ബെന്നിക്സ് എന്ന 31 വയസ്സുകാരനെയും പോലീസ് കസ്റ്റഡിയില് വച്ചു. പിന്നീട്, അതിക്രൂരവും പ്രാചീനവുമായ പോലീസ് അതിക്രമത്തിന് ഇരുവരും വിധേയരാക്കി. സംഘം ചേര്ന്നുള്ള മര്ദ്ദനത്തിലും ഉരുട്ടലിലും ആന്തരിക അവയവങ്ങള്ക്ക് വരെ ക്ഷതം സംഭവിച്ചു. ഇരുമ്പുകമ്പി ഉപയോഗിച്ച് മലദ്വാരത്തില് ഉള്പ്പെടെ മുറിവേല്പ്പിച്ചുവെന്നാണ് റിപ്പോർട്ടുകൾ. ഗുരുതരമായി പരുക്കേറ്റ ഇരുവരും ആശുപത്രിയിൽ ചികിത്സയിലിരിക്കെയാണ് മരിച്ചത്.
#சத்தியமா_விடவே_கூடாது pic.twitter.com/MLwTKg1x4a
— Rajinikanth (@rajinikanth) July 1, 2020
പ്രതികരിക്കാൻ ഇവിടെ എഴുതുക