സംസ്ഥാന സർക്കാരിന്റെ ലൈഫ് ഭവന നിര്മാണ പദ്ധതിയുടെ ഗുണഭോക്തൃ പട്ടികയില് ഉള്പ്പെടാതെ പോയിട്ടുള്ള അര്ഹരായ ഗുണഭോക്കള്ക്ക് അപേക്ഷ നല്കാന് വീണ്ടും അവസരം നൽകുന്നു. ഇതിനായി ലൈഫ് മിഷന് തയാറാക്കിയ മാര്ഗരേഖയ്ക്ക് സര്ക്കാര് അനുമതി നല്കി ഉത്തരവു പുറപ്പെടുവിച്ചു.
പൂര്ണമായും ഓണ്ലൈന് മുഖേനയാണ് അപേക്ഷ സമര്പ്പിക്കേണ്ടത്. തദ്ദേശഭരണ സ്ഥാപനങ്ങളില് സജ്ജീകരിക്കുന്ന ഹെല്പ് ഡെസ്ക്കുകള് വഴിയോ, സ്വന്തമായോ അപേക്ഷകള് സമര്പ്പിക്കാം. ആദ്യഘട്ടത്തില് പട്ടികയില് ഉള്പ്പെടാതെ പോയ ഭവനരഹിതര്ക്കും ഭൂരഹിതര്ക്കും ഓഗസ്റ്റ് ഒന്നു മുതല് പതിനാലുവരെ അപേക്ഷകള് സമര്പ്പിക്കാന് അവസരം ലഭിക്കും.
ഒരു റേഷന് കാര്ഡില് ഉള്പ്പെട്ടവരെ ഒറ്റ കുടുംബമായിട്ടായിരിക്കും പരിഗണിക്കുക. ഇതുപ്രകാരം 2020 ജൂലൈ ഒന്നിനു മുന്പ് റേഷന് കാര്ഡ് ഉള്ളതും കാര്ഡില് പേരുള്ള ഒരാള്ക്ക് പോലും ഭവനം ഇല്ലാത്തവരുമായ ഭൂമിയുള്ള ഭവനരഹിതര്, ഭൂരഹിത ഭവനരഹിതര് എന്നിവര്ക്കാണ് അപേക്ഷിക്കാന് കഴിയുക. നിബന്ധനകളും മാനദണ്ഡങ്ങളുമെല്ലാം മാര്ഗരേഖയില് വിശദമായി നൽകിയിട്ടുണ്ട്.
പ്രതികരിക്കാൻ ഇവിടെ എഴുതുക