ചൈനയുടെ ആപ്ലിക്കേഷനുകള് നിരോധിച്ചതിനു പുറമെ ഷവോമിയുടെ മറ്റൊരു ആപ്ലിക്കേഷനായ എംഐ ബ്രൗസര് പ്രോ സര്ക്കാര് നിരോധിച്ചു. എല്ലാ ഷവോമി, പോക്കോ, റെഡ്മി ഉപകരണങ്ങളിലും മുന്കൂട്ടി ഇന്സ്റ്റാള് ചെയ്തിട്ടുള്ള ഒരു ബ്രൗസിംഗ് അപ്ലിക്കേഷനാണ് ഇത്. ആഡ്-ബ്ലോക്കര്, സാമൂഹ മാധ്യങ്ങളില് നിന്ന് നേരിട്ട് വീഡിയോകള് ഡൗണ്ലോഡ് ചെയ്യുന്നതിനുള്ള സവിശേഷത എന്നിവ പോലുള്ള സവിശേഷതകള് ബ്രൗസറിനുള്ളില് ഉണ്ടായിരുന്നു.
ഇന്ത്യയിലെ ഉപയോക്താക്കള്ക്ക് ഇനി മുതല് എംഐ ബ്രൗസര് പ്രോ ഉപയോഗിക്കാന് സാധിക്കില്ല എന്ന് തന്നെ പറയാം. എംഐയുഐയിൽ പ്രവര്ത്തിക്കുന്ന എല്ലാ ഉപകരണങ്ങളിലും വരുന്ന ബ്രൗസറാണ് എംഐ ബ്രൗസര് പ്രോ. എംഐയുഐ ഉള്ള എല്ലാ സ്മാര്ട്ട്ഫോണുകളിലും ഗൂഗിള് ക്രോം മുന്കൂട്ടി ഇന്സ്റ്റാള് ചെയ്തിട്ടുണ്ട്. ഷവോമി, റെഡ്മി, പോക്കോ ഉപകരണങ്ങളുടെ ഉപയോക്താക്കള്ക്ക് ഗൂഗിള് ക്രോം ഉപയോഗിക്കാന് സാധിക്കും.
പ്രതികരിക്കാൻ ഇവിടെ എഴുതുക