ന്യൂഡല്ഹി: ഷെഡ്യൂള് ചെയ്ത അന്താരാഷ്ട്ര പാസഞ്ചര് വിമാനങ്ങളുടെ താല്ക്കാലിക വിലക്ക് സെപ്റ്റംബര് 30 വരെ നീട്ടി. അന്താരാഷ്ട്ര ഓള്-കാര്ഗോ ഓപ്പറേഷനുകള്ക്കും പ്രത്യേക അംഗീകാരമുള്ള വിമാനങ്ങള്ക്കും ഈ നിയന്ത്രണം ബാധകമല്ലെന്ന് ഒരു സര്ക്കുലറില് ഡയറക്ടറേറ്റ് ജനറല് ഓഫ് സിവില് ഏവിയേഷന് (ഡിജിസിഎ) വ്യക്തമാക്കി. എന്നാല് കേസ് ടു-കേസ് അടിസ്ഥാനത്തില് തിരഞ്ഞെടുത്ത റൂട്ടുകളില് അന്താരാഷ്ട്ര ഷെഡ്യൂള്ഡ് വിമാനങ്ങള് അനുവദിക്കാം.
ഇന്ന് തിരുവോണം; ആഘോഷങ്ങളും ആരവങ്ങളുമില്ല
രാജ്യത്ത് കൊറോണ വൈറസ് വ്യാപനം നിയന്ത്രിക്കുന്നതിനായി രാജ്യവ്യാപകമായി ലോക്ക്ഡൗണ് ഏര്പ്പെടുത്തിയതിനെത്തുടര്ന്ന് എല്ലാ ഷെഡ്യൂള് ചെയ്ത അന്താരാഷ്ട്ര, ആഭ്യന്തര വിമാന സര്വീസുകളും കേന്ദ്രം നിര്ത്തിവച്ചു. എന്നിരുന്നാലും, ആഭ്യന്തര വിമാന സര്വീസുകള് പിന്നീട് പുനരാരംഭിക്കാന് കേന്ദ്രം അനുവദിച്ചു.
ലോകമെമ്പാടും കുടുങ്ങിക്കിടക്കുന്ന ഇന്ത്യക്കാരെ നാട്ടിലെത്തിക്കുന്നതിനായി ഈ വര്ഷം മെയ് മുതല് കേന്ദ്രം വന്ദേ ഭാരത് വിമാനങ്ങള് ആരംഭിച്ചിരുന്നു. അന്താരാഷ്ട്ര യാത്രക്കാര്ക്കായി യുഎസ്, യുകെ, ജര്മ്മനി, ഫ്രാന്സ് തുടങ്ങിയ രാജ്യങ്ങളുമായി ജൂലൈയില് ഇന്ത്യ എയര് ബബിള് സ്ഥാപിച്ചു.
പ്രതികരിക്കാൻ ഇവിടെ എഴുതുക