കോഴിക്കോട്ട് കോവിഡ്-19 പരിശോധനയ്ക്കുള്ള ആര്ടിപിസിആര് ലാബ് പ്രവർത്തനം തുടങ്ങി. ഉദ്ഘാടനം ആരോഗ്യ വകുപ്പ് മന്ത്രി കെ.കെ. ശൈലജ നിര്വഹിച്ചു. മലാപ്പറമ്പ് ആരോഗ്യവകുപ്പിന്റെ പരിശീലന കേന്ദ്രത്തിലെ കെട്ടിടത്തിലാണ് റീജിയണല് പബ്ലിക്ക് ഹെല്ത്ത് ലാബോറട്ടറിയുടെ ആര്.ടി.പി.സി.ആര് വിഭാഗം തുടങ്ങിയത്.
കോഴിക്കോട് മറ്റൊരു ആര്ടിപിസിആര് ലാബ് കൂടി പ്രവര്ത്തനസജ്ജമായതോടെ ഈ മേഖലയില് കോവിഡ് പരിശോധനകള് വേഗത്തില് നടത്താന് സാധിക്കുമെന്ന് മന്ത്രി ശൈലജ പറഞ്ഞു. ആലപ്പുഴ എന്ഐവിയില് മാത്രമുണ്ടായിരുന്ന കോവിഡ് പരിശോധനാ സംവിധാനം ഇപ്പോള് സംസ്ഥാനം മുഴുവന് ലഭ്യമാണ്. ഇപ്പോള് 23 സര്ക്കാര് ലാബുകളിലും 10 സ്വകാര്യ ലാബുകളിലുമുള്പ്പെടെ 33 സ്ഥലങ്ങളില് കോവിഡ്-19 ആര്ടിപിസിആര് പരിശോധിക്കാനുള്ള സംവിധാനങ്ങളുണ്ട്.
ഇതുകൂടാതെ 800 ഓളം സര്ക്കാര് ലാബുകളിലും 300 ഓളം സ്വകാര്യ ലാബുകളിലും ആന്റിജന്, എക്സ്പെര്ട്ട്/സിബിനാറ്റ്, ട്രൂനാറ്റ് പരിശോധനകള് നടത്തുന്നുണ്ട്. ഇനിയും പരിശോധനാ സംവിധാനം കൂട്ടാനാണ് ശ്രമിക്കുന്നതെന്നും മന്ത്രി പറഞ്ഞു.
അത്യാധുനിക പരിശോധനാ സംവിധാനത്തോടെയുള്ള കോഴിക്കോട് റീജിയണല് പബ്ലിക് ഹെല്ത്ത് ലബോറട്ടറി കെട്ടിടം എത്രയും വേഗം യാഥാര്ത്ഥ്യമാക്കുന്നതാണ്. ഒ.പി. ഐ.പി. ബാധകമല്ലാതെ ഡോക്ടറുടെ കുറുപ്പടിയോടുകൂടി വരുന്ന ഏതൊരാള്ക്കും പബ്ലിക് ഹെല്ത്ത് ലാബിന്റെ സേവനം ലഭ്യമാണ്. ബി.പി.എല്. വിഭാഗക്കാര്ക്ക് എല്ലാവിധ പരിശോധനകളും സൗജന്യമായാണ് ചെയ്ത് കൊടുക്കുന്നത്. എ.പി.എല്. വിഭാഗക്കാര്ക്ക് സര്ക്കാര് നിശ്ചയിച്ചിട്ടുള്ള നിശ്ചിത ഫീസ് മാത്രമേ ഈടാക്കുകയുള്ളൂ.
പ്രതികരിക്കാൻ ഇവിടെ എഴുതുക