സമൂഹ മാധ്യമങ്ങളിലൂടെ സ്ത്രീകൾക്കെതിരെ അശ്ലീല പരാമര്ശം നടത്തിയ വിജയ് പി നായര് ഒളിവില്. ഇയാള് കഴിഞ്ഞ ദിവസം മുതല് റൂമില് ഉണ്ടായിരുന്നില്ലെന്ന് തൊട്ട് അടുത്ത മുറികളിലെ താമസക്കാര് പറഞ്ഞു. നേരത്തെ ഭാഗ്യലക്ഷ്മി, ദിയ സന എന്നിവരുടെ പരാതിയില് എടുത്ത കേസില് അന്വേഷണം നടക്കുന്നതിനിടെയാണ് വിജയ് പി നായര് ഒളിവില് പോയത്. ഇയാളുടെ താമസ സ്ഥലത്ത് ഇന്ന് മ്യൂസിയം പൊലീസ് പരിശോധന നടത്തിയിരുന്നു.
സ്ത്രീകളെ അപമാനിച്ചെന്ന കുറ്റം ചുമത്തിയാണ് വിജയ് പി നായര്ക്കെതിരെ കേസ് എടുത്തിരിക്കുന്നത്. നേരത്തെ ഇയാള്ക്കെതിരെ പൊലീസ് ദുര്ബലമായ വകുപ്പുകള് ചേര്ത്തായിരുന്നു കേസ് എടുത്തത്. തുടര്ന്ന് വിമര്ശനങ്ങള്ക്ക് പിന്നാലെ വിജയ് പി. നായര്ക്കെതിരെ ജാമ്യമില്ലാവകുപ്പ് പൊലീസ് ചുമത്തി ഇന്ന് കേസ് എടുത്തിരുന്നു.
കൊയിലാണ്ടിയിൽ രണ്ട് പേരെ ട്രെയിൻ തട്ടി മരിച്ച നിലയിൽ കണ്ടെത്തി
വിഷയത്തില് ഹൈടെക് സെല്ലിനോട് നിയമോപദേശം തേടാന് തിരുവനന്തപുരം ഡി.സി.പി മ്യൂസിയം പൊലീസിനോട് ആവശ്യപ്പെട്ടിരുന്നു. ഐ.ടി ആക്റ്റിന്റെ 67, 67 എ വകുപ്പുകള് കൂടി ചുമത്താമെന്ന് നിയമോപദേശം ലഭിച്ചതിന്റെ പശ്ചാത്തലത്തിലാണ് കേസില് ജാമ്യമില്ലാ വകുപ്പ് ചുമത്തിയിരിക്കുന്നത്.
അതേസമയം വിജയ് പി നായരുടെ പരാതിയില് ഡബ്ബിംഗ് ആര്ടിസ്റ്റ് ഭാഗ്യലക്ഷ്മിക്കും സുഹൃത്തുക്കള്ക്കുമെതിരെ പൊലീസ് കേസെടുത്തിരുന്നു.ജാമ്യമില്ലാ വകുപ്പ് പ്രകാരമാണ് ഇവര്ക്കെതിരെ കേസെടുത്തിരിക്കുന്നത്. അതിക്രമിച്ചു കടക്കല്, ഭീഷണി, കൈയ്യേറ്റം ചെയ്യല്, മോഷണം എന്നീ വകുപ്പുകള് ചേര്ത്താണ് കേസ്.തനിക്ക് പരാതിയില്ലെന്നും താന് ചെയ്ത തെറ്റ് മനസിലായെന്നും അതിന് മാപ്പ് ചോദിക്കുന്നുവെന്നുമായിരുന്നു ഇയാള് മാധ്യമങ്ങളോടും സംഭവ സമയം സ്ഥലത്തെത്തിയ പൊലീസിനോടും ആദ്യം പറഞ്ഞിരുന്നത്.
ഭാഗ്യലക്ഷ്മിയും ദിയാ സനയും ശ്രീലക്ഷ്മി അറക്കലും വിജയ് പി. നായര്ക്കെതിരെ പരാതി നല്കിയതിന് പിന്നാലെയാണ് രാത്രി ഏറെ വൈകി വിജയ് പി. നായര് ഇവര്ക്കെതിരെ പൊലീസ് സ്റ്റേഷനില് പരാതി നല്കിയത്. കേട്ടാല് അറയ്ക്കുന്ന പദ പ്രയോഗങ്ങളും പരാമര്ശങ്ങളുമാണ് വിജയ് നായര് തന്റെ യൂട്യൂബ് ചാനലിലൂടെ നടത്തിയിരുന്നത്. നാല് മാസം മുമ്പ് മാത്രമാണ് ഇയാള് തന്റെ യൂട്യൂബ് ചാനലിലൂടെ വീഡിയോകള് ചെയ്ത് പുറത്തുവിട്ടിരുന്നത്.
പ്രതികരിക്കാൻ ഇവിടെ എഴുതുക