കോണ്ഗ്രസ് നേതാവ് രാഹുല് ഗാന്ധിയെ ഉത്തര്പ്രദേശ് പൊലീസ് കയ്യേറ്റം ചെയ്ത നടപടിയെ അപലപിച്ച് മുഖ്യമന്ത്രി പിണറായി വിജയന്. രാഹുല് ഗാന്ധിയ്ക്ക് ഹാത്രാസിലേക്ക് പോകാന് എല്ലാ ജനാധിപത്യ അവകാശങ്ങളും ഭരണഘടനാപരമായ സ്വാതന്ത്ര്യമുണ്ട്.
അതിനെയൊക്കെ ഇല്ലായ്മ ചെയ്യുന്ന നീക്കം അത്യന്തികമായി ജനാധിപത്യ വിരുദ്ധമാണെന്ന് മുഖ്യമന്ത്രി പറഞ്ഞു. ഇത്തരം നടപടികള് ജനാധിപത്യ സമൂഹത്തിന് അനുവദിച്ചു കൊടുക്കാനാവില്ല. രാഹുല് ഗാന്ധിയെ വിലക്കിയതും കയ്യേറ്റം ചെയ്തതും പ്രതിഷേധാര്ഹവും അപലപനീയവുമാണെന്നും മുഖ്യമന്ത്രി കൂട്ടിച്ചേര്ത്തു.
സംസ്ഥാനത്ത് ഇന്ന് 14 ഹോട്ട് സ്പോട്ടുകൾ; 18 പ്രദേശങ്ങളെ ഒഴിവാക്കി
ഹാത്രാസില് പീഡനത്തിനിരയായി കൊല്ലപ്പെട്ട പെണ്കുട്ടിയെ സന്ദര്ശിക്കാന് പോകവെയാണ് കോണ്ഗ്രസ് നേതാക്കളായ രാഹുല് ഗാന്ധിയേയും പ്രിയങ്ക ഗാന്ധിയേയും ഉത്തര്പ്രദേശ് പൊലീസ് കയ്യേറ്റം ചെയ്തത്. ഹാത്രാസിലേക്കുള്ള യാത്രാമധ്യേ പൊലീസുകാര് തങ്ങളോട് ക്രൂരമായി പെരുമാറിയെന്നും ലാത്തിച്ചാര്ജ്ജ് നടത്തിയെന്നും രാഹുല് ഗാന്ധി പറഞ്ഞിരുന്നു.
കോണ്ഗ്രസ് നേതാക്കളുടെ സന്ദര്ശനത്തിന് മുന്നോടിയായി യു.പി ഭരണകൂടം സംസ്ഥാനത്തുടനീളം വലിയ രീതിയിലുള്ള പ്രതിരോധം തീര്ത്തിരുന്നു. ഇതിന്റെ ഭാഗമായി ഹാത്രാസ് ജില്ലയില് 144 പ്രഖ്യാപിക്കുകയും മാധ്യമങ്ങള് അടക്കമുള്ളവര്ക്ക് പ്രവേശനം നിഷേധിക്കുകയും ചെയ്തിരുന്നു.
രാഹുല് ഗാന്ധിയേയും പ്രിയങ്ക ഗാന്ധിയേയും കരുതല് കസ്റ്റഡിയിലെടുത്തതായിട്ടാണ് യു.പി പൊലീസ് പറഞ്ഞത്.യാത്രക്കിടെ രാഹുലിനേയും പ്രിയങ്കയേയും പൊലീസ് തടഞ്ഞിരുന്നു.
പ്രതികരിക്കാൻ ഇവിടെ എഴുതുക