ഹാത്രാസ് കൂട്ട ബലാത്സംഗക്കേസ് സി.ബി.ഐയോ എസ്.ഐ.ടിയോ കോടതിയുടെ മേല്നോട്ടത്തില് അന്വേഷിക്കണമെന്ന ഹരജിയില് ഇന്ന് സുപ്രീംകോടതി വിധിപറയും.
നേരത്തെ കേസില് അലഹബാദ് ഹൈക്കോടതി മേല്നോട്ടം വഹിക്കട്ടെയെന്നും എന്തെങ്കിലും കുഴപ്പമുണ്ടായാല് നോക്കാമെന്നും കേസ് വിധിപറയാന് മാറ്റിയപ്പോള് കോടതി പറഞ്ഞിരുന്നു.
ഉത്തര്പ്രദേശില് നീതിയുക്തമായ വിചാരണ നടക്കില്ലെന്നും അതിനാല് ദല്ഹിയിലെ കോടതിയിലേക്ക് വിചാരണ മാറ്റണമെന്നും പെണ്കുട്ടിയുടെ കുടുംബം ആവശ്യപ്പെട്ടിരുന്നു.
കുടിശികയായ ശമ്പള റിക്കവറി, മെഡിക്കൽ റീ ഇംബേഴ്സ്മെന്റ്;കെഎസ്ആർടിസിയുടെ പുനരുദ്ധാരണത്തിന് പാക്കേജ്
ചീഫ് ജസ്റ്റിസ് എസ്.എ ബോബ്ഡെ അധ്യക്ഷനായ ബെഞ്ചാണ് കേസില് വിധി പറയുക. കേസിലെ തെളിവുകള് നശിപ്പിച്ചതിന് യു.പി പൊലീസിനെതിരെയുള്ള പൊതുതാല്പര്യ ഹരജിയിലും ഇന്ന് തീര്പ്പുണ്ടാവും.
കേസന്വേഷണം സുപ്രീംകോടതിയുടെ അന്വേഷണത്തില് വേണമെന്ന ആവശ്യത്തെ യു.പി സര്ക്കാര് കോടതിയില് പിന്തുണച്ചിരുന്നു.
സെപ്തംബര് 14നായിരുന്നു 19 വയസ്സുള്ള ദളിത് പെണ്കുട്ടി കൂട്ട ബലാത്സംഗത്തിനിരയായത്. വളര്ത്തുമൃഗങ്ങള്ക്കുള്ള തീറ്റ ശേഖരിക്കാന് പോയ സമയത്താണ് നാല് പേര് ചേര്ന്ന് കുട്ടിയെ ക്രൂരമായി പീഡിപ്പിച്ചത്.
പ്രതികരിക്കാൻ ഇവിടെ എഴുതുക