ട്രിയോ ഇലക്ട്രിക് ത്രീ വീലര് ബ്രാന്ഡിന്റെ കാര്ഗോ വേരിയന്റ് അവതരിപ്പിച്ചിരിക്കുകയാണ് മഹീന്ദ്ര. പിക്കപ്പ്, ഡെലിവറി വാന്, ഫ്ളാറ്റ് ബെഡ് വേരിയന്റുകളില് മഹീന്ദ്ര ട്രിയോ സോര് ഇലക്ട്രിക് ത്രീ വീലര് ലഭ്യമാണ്. ട്രിയോ സോര് എന്നാണ് ഇതിനെ വിളിയ്ക്കുന്നത്. സാധാരണ 15 A സോക്കറ്റ് ഉപയോഗിച്ച് ബാറ്ററി ചാര്ജ് ചെയ്യാന് കഴിയും. 675 mm ആണ് ട്രേ ലോഡിംഗ് ഉയരമുണ്ട്.
ക്ലൗഡ് അധിഷ്ഠിത ഫ്ലീറ്റ് മാനേജ്മെന്റ് സേവനമായ NEMO മൊബിലിറ്റി പ്രോഗ്രാമില് നിന്ന് മഹീന്ദ്ര ട്രിയോ സോര് ആനുകൂല്യങ്ങള് നല്കുന്നു. വിന്ഡ്സ്ക്രീന് വൈപ്പര്, ജിപിഎസ് ഉള്ള ടെലിമാറ്റിക് യൂണിറ്റ്, ഇക്കോണമി, ബൂസ്റ്റ് ഡ്രൈവിംഗ് മോഡലുകള്, 12V സോക്കറ്റ്, 15 A ഓഫ് ബോര്ഡ് ചാര്ജര്, ഹസാര്ഡ് ഇന്ഡിക്കേറ്റര്, റിവേഴ്സ് ബസര്, സ്പെയര് വീല് പ്രൊവിഷന് എന്നിവയും ഇലക്ട്രിക് ത്രീ വീലറില് ഉണ്ട്. 42 Nm torque സൃഷ്ടിക്കുന്ന വാഹനത്തിന് ഓട്ടോമാറ്റിക്കാണ് ഗിയര്ബോക്സ് ഓപ്ഷന്.
ചരക്ക് കാരിയറിന്റെ അറ്റകുറ്റപ്പണികള്ക്ക് ഒരു കിലോമീറ്ററിന് 40 പൈസയാണ് ചെലവ്. ട്രിയോ സോര് പൂര്ണ്ണ ചാര്ജില് 125 കിലോമീറ്റര് വരെ ഡ്രൈവിംഗ് ശ്രേണിയും കമ്പനി വാഗ്ദാനം ചെയ്യുന്നുണ്ട്. ദൈര്ഘ്യമേറിയ 2,216 mm വീല്ബേസും 30.48 cm ടയര് ഡയയും ശ്രേണിയിലെ മികച്ചതെന്നാണ് കമ്പനി അവകാശപ്പെടുന്നത്.
പ്രതികരിക്കാൻ ഇവിടെ എഴുതുക