തിരക്കേറിയ റോഡില് ആംബുലന്സിന് വഴിയൊരുക്കാന് രണ്ട് കിലോമീറ്റര് ഓടി ട്രാഫിക് പൊലീസ് കോണ്സ്റ്റബിള്. ഹൈദരാബാദിലാണ് സംഭവം.
നഗരത്തില് തിരക്കേറിയ റോഡിലാണ് ഗുരുതരാവസ്ഥയില് പോകുകയായിരുന്ന ആംബുലന്സിന് വഴിയൊരുക്കാന് പൊലീസുകാരന് മുന്നില് ഓടിയത്. ദ ന്യൂ ഇന്ത്യന് എക്സ്പ്രസാണ് സംഭവം റിപ്പോര്ട്ട് ചെയ്തത്. സംഭവത്തിന്റെ ദൃശ്യങ്ങള് സോഷ്യല്മീഡിയയില് പ്രചരിച്ചു. അബിഡ്സില് നിന്ന് കോട്ടിയിലേക്ക് പോകുകയായിരുന്ന ആംബുലന്സ് തിരക്കില്പ്പെട്ട് ബുദ്ധിമുട്ടുന്നത് കണ്ടാണ് കോണ്സ്റ്റബിള് സഹായത്തിനെത്തിയത്.
സംസ്ഥാനത്ത് പുതിയ 12 ഹോട്ട്സ്പോട്ടുകൾ കൂടി; 12 പ്രദേശങ്ങളെ ഒഴിവാക്കി
ജി ബാബ്ജിയെന്നാണ് പൊലീസുകാരന്റെ പേരെന്ന് ദ ന്യൂസ് മിനുട്ട് റിപ്പോര്ട്ട് ചെയ്തു. തിങ്കളാഴ്ച നടന്ന സംഭവം ബുധനാഴ്ചയാണ് സോഷ്യല്മീഡിയയില് പ്രചരിച്ചത്. ആംബുലന്സിന് തടസ്സങ്ങളൊന്നുമില്ലെന്ന് ഉറപ്പിച്ച ശേഷമാണ് പൊലീസുകാരന് പിന്മാറിയത്. സംഭവത്തിന്റെ ദൃശ്യങ്ങള് ട്രാഫിക് എസിപി അനില്കുമാര് ട്വീറ്റ് ചെയ്തു. പൊലീസ് കോണ്സ്റ്റബിളിനെ അദ്ദേഹം അഭിനന്ദിച്ചു.
HTP officer Babji of Abids Traffic PS clearing the way for ambulance..Well done..HTP in the service of citizens..👍👍@HYDTP pic.twitter.com/vFynLl7VVK
— Addl CP Traffic (@AddlCPTrHyd) November 4, 2020
പ്രതികരിക്കാൻ ഇവിടെ എഴുതുക