വിജയത്തിന് പിന്നാലെ പ്രതികരണവുമായി ജോ ബൈഡന്. താന് എല്ലാ അമേരിക്കക്കാരുടേയും പ്രസിഡണ്ടായിരിക്കുമെന്ന് ബൈഡന് പറഞ്ഞു.
‘നമ്മുടെ മഹത്തായ രാജ്യത്തെ നയിക്കാനായി എന്നെ തെരഞ്ഞെടുത്തതിലൂടെ ഞാന് ആദരിക്കപ്പെടുന്നു. നമുക്ക് മുന്നിലുള്ള ജോലി കാഠിന്യമേറിയതാണ്. എനിക്ക് നിങ്ങള് വോട്ട് ചെയ്തിട്ടുണ്ടെങ്കിലും ഇല്ലെങ്കിലും ഞാന് എല്ലാ അമേരിക്കക്കാരുടേയും പ്രസിഡണ്ടായിരിക്കുമെന്ന് ഞാന് ഉറപ്പുതരുന്നു. നിങ്ങള് എന്നിലര്പ്പിച്ച വിശ്വാസം ഞാന് കാത്തുസൂക്ഷിക്കും’, ബൈഡന് ട്വീറ്റ് ചെയ്തു.
273 ഇലക്ട്രല് വോട്ട് നേടിയാണ് ബൈഡന് നിലവിലെ പ്രസിഡണ്ടും റിപ്പബ്ലിക്കന് സ്ഥാനാര്ത്ഥിയുമായ ഡൊണാള്ഡ് ട്രംപിനെ പരാജയപ്പെടുത്തിയത്.
വോട്ടെണ്ണല് പുരോഗമിക്കുകയാണെങ്കിലും 538 ഇലക്ടറല് വോട്ടുകളില് കേവല ഭൂരിപക്ഷം ബൈഡന് നേടിയതായി സി.എന്.എന്. റിപ്പോര്ട്ട് ചെയ്തു. 270 ഇലക്ടറല് വോട്ടുകളാണ് കേവലഭൂരിപക്ഷത്തിന് ആവശ്യം.
പ്രതികരിക്കാൻ ഇവിടെ എഴുതുക