തദ്ദേശ തെരഞ്ഞെടുപ്പിന്റെ വോട്ടെണ്ണലിന്റെ ഭാഗമായി മലപ്പുറം, കോഴിക്കോട് ജില്ലകളിലായി കർശന നിയന്ത്രങ്ങൾ ഏർപ്പെടുത്തി. മലപ്പുറത്ത് ഒരാഴ്ചത്തേക്ക് നിരോധനാജ്ഞ പ്രഖ്യാപിച്ചു. ഡിസംബര് 16 മുതല് ഡിസംബര് 22 വരെയാണ് നിരോധനാജ്ഞ. ഇതുപ്രകാരം രാത്രി എട്ട് മണി മുതല് കാലത്ത് എട്ട് മണി വരെ വിവാഹം, മരണം എന്നീ ചടങ്ങുകള് ഒഴികെ പ്രകടനം, ഘോഷയാത്ര, സമ്മേളനങ്ങള്, മുതലായവ അനുവദിക്കില്ല.
തെരഞ്ഞെടുപ്പ് ഫലം നാളെ 8 മണി മുതല് അറിയാം
ആരാധനാലയങ്ങള് ഒഴികെയുള്ള സ്ഥലങ്ങളിലും സ്ഥാപനങ്ങളിലും രാത്രി എട്ട് മണിക്ക് ശേഷം മൈക്ക് ഉപയോഗിക്കുവാന് പാടില്ലെന്നും
പകല്സമയത്തെ വിജയാഹ്ലാദ പരിപാടികളിലും സമ്മേളനങ്ങളിലും മറ്റും നൂറിൽ കൂടുതല് ആളുകള് പങ്കെടുക്കുവാന് പാടില്ലെന്നും ഇത്തരം പരിപാടികളിൽ കോവിഡ് 19 മാനദണ്ഡങ്ങള് പാലിക്കേണ്ടതാണെന്നും കർശന നിർദേശം നൽകിയിട്ടുണ്ട്.
അതേസമയം, നാദാപുരം, വളയം, കുറ്റ്യാടി, പേരാമ്പ്ര, വടകര പൊലീസ് സ്റ്റേഷന് പരിധികളിലാണ് കോഴിക്കോട് നിരോധനാജ്ഞ പ്രഖ്യാപിച്ചിരിക്കുന്നത്. രണ്ടു ദിവസത്തേക്കാണ് കോഴിക്കോട് നിരോധനാജ്ഞ പ്രഖ്യാപിച്ചിരിക്കുന്നത്. വോട്ടെണ്ണല് കേന്ദ്രത്തിന്റെ 500 മീറ്റര് പരിധിയില് കൂട്ടംകൂടാന് പാടില്ല. വാര്ഡുകളിലും മുന്സിപ്പാലിറ്റിയിലും അതത് പരിധിയില് മാത്രമേ ആഹ്ലാദ പ്രകടനം അനുവദിക്കുകയുള്ളു.
പ്രതികരിക്കാൻ ഇവിടെ എഴുതുക