സംസ്ഥാനങ്ങള്ക്ക് പക്ഷിപ്പനി മുന്നറിയിപ്പുമായി കേന്ദ്രസര്ക്കാര് രംഗത്ത്. സാഹചര്യം ഗുരുതരമെന്നും സാധ്യമായ എല്ലാ മുന്കരുതലും പക്ഷിപ്പനി വ്യാപനം ഒഴിവാക്കാന് സ്വീകരിക്കണമെന്നും കേന്ദ്രസര്ക്കാര് വ്യക്തമാക്കി.
നടപടി, കേരളത്തിന് പുറമേ ഹിമാചല് പ്രദേശ് രാജസ്ഥാന് മധ്യപ്രദേശ് ഹരിയാന ഗുജറാത്ത് സംസ്ഥാനങ്ങളില് പക്ഷിപ്പനി സ്ഥിരീകരിച്ച സാഹചര്യത്തിലാണ്.
ഹിമാചലിലെ പോങ് ടാം വന്യജീവി സങ്കേതത്തില് കണ്ടെത്തിയ ചത്ത ദേശാടന പക്ഷികളില് എച്ച്-5 എന്-1 സ്ഥിരീകരിച്ചിട്ടുണ്ട്. കൂടാതെ രാജ്യത്തെ വിവിധ ഇടങ്ങളില് ദേശാടന പക്ഷികള് കൂട്ടത്തോടെ ചാകുന്നുമുണ്ട്. ഈ സാഹചര്യത്തിലാണ് കേന്ദ്രസര്ക്കാരിന്റെ അടിയന്തിര ജാഗ്രതാ നിര്ദ്ദേശമുണ്ടായത്. സംസ്ഥാനങ്ങള് എല്ലാ മുന് കരുതലും സ്വീകരിക്കണം എന്നും വെല്ലുവിളി ഗുരുതരമാണെന്നും ആണ് സന്ദേശം. അതത് സംസ്ഥാനങ്ങളിലെ ചീഫ് സെക്രട്ടറിമാര്ക്കാണ് കേന്ദ്രം കത്ത് കൈമാറിയത്. പറവകള് അടക്കമുള്ള പക്ഷികളില് രോഗം പടരാന് സാധ്യത വലുതാണെന്ന് മുന്നറിയിപ്പില് വ്യക്തമാക്കുന്നു. സാഹചര്യങ്ങള് നിരന്തരമായി നിരിക്ഷിക്കണം.
കോഴികള് ഉള്പ്പെടെ ഒരു ലക്ഷത്തോളം പക്ഷികള് ആണ് ഹരിയാനയില് ചത്തത്. രാജസ്ഥാനിലെ ഝാല്വാറില് കാക്കകള് ചത്തു വീണതിന് പിന്നിലും പക്ഷിപ്പനിയാണെന്ന് സ്ഥിരീകരിച്ചിട്ടുണ്ട്. ഗുജറാത്തിലെ ജുനഗഡ് ജില്ലയില് മാനവദാര് താലൂക്കില് ഖരോ റിസര്വോയറില് 53 ജലപക്ഷികളെ ചത്ത് പൊങ്ങിയ നിലയില് കണ്ടെത്തിയിരുന്നു.
പ്രതികരിക്കാൻ ഇവിടെ എഴുതുക