മഹിളാ കോണ്ഗ്രസ് അധ്യക്ഷ സ്ഥാനം രാജിവെച്ച ലതികാ സുഭാഷ് ഏറ്റുമാനൂരില് സ്വതന്ത്രയായി മത്സരിക്കുന്നു. തന്നെ പിന്തുണക്കുന്ന പ്രവര്ത്തകരുടെ യോഗം വിളിച്ചു ചേര്ത്തു. വൈകീട്ടോടെ ഔദ്യോഗിക പ്രഖ്യാപനമുണ്ടാകും. ലതിക സുഭാഷ് കോണ്ഗ്രസ് പ്രാഥമിക അംഗത്വം രാജിവെക്കുമെന്നുമാണ് പുറത്തുവരുന്ന വിവരങ്ങള്.
കോണ്ഗ്രസ് സ്ഥാനാര്ത്ഥി പട്ടികയില് സ്ത്രീകളെ അവഗണിച്ചത് ചൂണ്ടിക്കാണിച്ച്് ലതിക സുഭാഷ് തല മുണ്ഡനം ചെയ്ത് പ്രതിഷേധിച്ചിരുന്നു. സ്ഥാനാര്ത്ഥി പട്ടികയ്ക്കെതിരായ വിയോജിപ്പുകള് മാധ്യമങ്ങള്ക്ക് മുന്നില് പരസ്യമായി രേഖപ്പെടുത്തിയ ശേഷമായിരുന്നു
ലതികാ സുഭാഷ് രാജിവെച്ചത്.
മഹിളാ കോണ്ഗ്രസ് മൊത്തം സ്ഥാനാര്ത്ഥികളില് 20 ശതമാനം സ്ത്രീകള്ക്ക് നീക്കിവെക്കണമെന്ന് ആവശ്യപ്പെട്ടിരുന്നുവെങ്കിലും പാര്ട്ടിക്ക് വേണ്ടി പണിയെടുക്കുന്ന സ്ത്രീകളെ അവഗണിച്ചുവെന്നും ലതികാ സുഭാഷ് മാധ്യമങ്ങളോട് പറഞ്ഞു.
പ്രതികരിക്കാൻ ഇവിടെ എഴുതുക