തിയേറ്ററുകളില് വിജയകരമായി മുന്നേറുന്ന മമ്മൂട്ടി ചിത്രം പ്രീസ്റ്റിന്റെ വിജയാഘോഷ ടീസര് പുറത്തുവിട്ട് അണിയറപ്രവര്ത്തകര്. ചിത്രം കണ്ടിറങ്ങുന്ന പ്രേക്ഷകരുടെ പ്രതികരണങ്ങള് ഉള്പ്പെടുത്തിയ വീഡിയോ ആണ് ഇപ്പോള് റിലീസ് ചെയ്തിരിക്കുന്നത്.
മമ്മൂട്ടിയും മഞ്ജു വാര്യരും ആദ്യമായി ഒന്നിക്കുന്നു എന്ന പ്രത്യേകതയും പ്രീസ്റ്റിനുണ്ട്. ബേബി മോണിക്കയാണ് കൈയടി നേടുന്ന മറ്റൊരു താരം. നവാഗതനായ ജോഫിന് ടി. ചാക്കോ സംവിധാനം ചെയ്യുന്ന സിനിമ ബി. ഉണ്ണികൃഷ്ണന്, ആന്റോ ജോസഫ് എന്നിവര് ചേര്ന്നാണ് നിര്മ്മിക്കുന്നത്.
നിഖില വിമല്, കരിക്ക് ഫെയിം അമേയ, വെങ്കിടേഷ്, ജഗദീഷ്, ടി.ജി രവി, രമേശ് പിഷാരടി, ശിവദാസ് കണ്ണൂര് തുടങ്ങിയ താരങ്ങള് മറ്റു പ്രധാന കഥാപാത്രങ്ങളെ അവതരിപ്പിക്കുന്നു. ജോഫിന് ടി. ചാക്കോയുടെത് തന്നെ കഥ. ദീപു പ്രദീപും ശ്യാം മേനോനും ചേര്ന്നാണ് തിരക്കഥ ഒരുക്കിയത്. അഖില് ജോര്ജ് ഛായാഗ്രഹണവും ഷമീര് മുഹമ്മദ് എഡിറ്റിങും നിര്വഹിക്കുന്നു. സംഗീതം രാഹുല് രാജ്.
പ്രൊജക്ട് ഡിസൈനര്-ബാദുഷ, ആര്ട്ട് ഡയറക്ടര്-സുജിത്ത് രാഘവ്, ചീഫ് അസോസിയേറ്റ് ഡയറക്ടര്-ബേബി പണിക്കര്, അസോസിയേറ്റ് ഡയറക്ടര്-പ്രേംനാഥ്, ചീഫ് അസോസിയേറ്റ് ക്യാമറാമാന്-പ്രവീണ് ചക്രപാണി.
പ്രതികരിക്കാൻ ഇവിടെ എഴുതുക