ഓരോ നിയോജകമണ്ഡലത്തിലും വ്യാപകമായി കള്ളവോട്ടുകള് ചേര്ത്തിരിക്കുകയാണ്. 2021 ജനുവരി 21 ന് പ്രസിദ്ധീകരിച്ച വോട്ടേഴ്സ് ലിസ്റ്റ് പരിശോധിച്ചപ്പോള് ഞെട്ടിപ്പിക്കുന്ന വിവരങ്ങളാണ് പുറത്തുവരുന്നത്.ഒരെ വിലാസവും ഒരെ ഫോട്ടോയും ഉപയോഗിച്ചാണ് മിക്കയിടത്തും ഈ കൃത്രിമം നടത്തിയിരിക്കുന്നതെന്നും രമേശ് ചെന്നിത്തല ആരോപിച്ചു.വോട്ടേഴ്സ് ലിസ്റ്റില് ഒരെ മണ്ഡലത്തില് തന്നെ ഒരു വ്യക്തിയുടെ പേര് നാലും അഞ്ചും തവണ ചേര്ത്തിരിക്കുകയാണ്.
കാസര്ഗോഡ് ഉദുമ മണ്ഡലത്തിലെ കുമാരി എന്ന വോട്ടറുടെ പേര് അഞ്ച് തവണ ചേര്ത്തിട്ടുണ്ട്. ഒരെ ഫോട്ടോയും വിലാസവും ഉപയോഗിച്ച് കുമാരിക്ക് അഞ്ച് ഇലക്ടറല് ഐഡി കാര്ഡുകളും നല്കിയിട്ടുണ്ട്.ചിലയിടത്ത് ഫോട്ടോയിലും വിലാസത്തിലും ചെറിയ വ്യത്യാസങ്ങള് വരുത്തിയതായി കാണാന് കഴിഞ്ഞു. അക്കാര്യം പരിശോധിച്ചപ്പോള് നിരവധി എണ്ണം ഇങ്ങനെ കണ്ടെത്താനായി.
ഓരോ നിയമസഭാ മണ്ഡലത്തിലും ആയിരകണക്കിന് കള്ളവോട്ടുകളാണ് ചേര്ക്കപ്പെട്ടിരിക്കുന്നത്. ഇത് ജനാധിപത്യത്തെ അട്ടിമറിക്കാനുള്ള നീക്കമായി വേണം കാണാനെന്നും ചെന്നിത്തല.
പ്രതികരിക്കാൻ ഇവിടെ എഴുതുക