റിലീസിനൊരുങ്ങുന്ന മരയ്ക്കാര് അറബിക്കടലിന്റെ സിംഹം എന്ന ചിത്രത്തിന് ദേശീയ അവാര്ഡ് ലഭിച്ചതിന്റെ സന്തോഷത്തിലാണ് സംവിധായകന് പ്രിയദര്ശന്.
ഇത്ര വലിയൊരു കാന്വാസിലുള്ള സിനിമ മലയാളത്തില് എടുക്കാന് കഴിയുമോ എന്ന് സംശയമുണ്ടായിരുന്നു.
ഇതില് ഹിന്ദി, തമിഴ്, തെലുങ്ക് തുടങ്ങി അനേകം ഭാഷകളിലെ നടീനടന്മാരുണ്ട്. ആ അര്ഥത്തില് ഇതൊരു ഇന്ത്യന് സിനിമയാണ്. ഒരു കുടുംബ സിനിമയുമാണ്, പ്രിയദര്ശന് പ്രതികരിച്ചു.
പുരസ്കാര പ്രഖ്യാപനത്തിന് തൊട്ടു പിന്നാലെ നടന് മോഹന്ലാലിന്റെ കോളു കൂടി അദ്ദേഹത്തെ തേടിയെത്തി.”ലാലു…അങ്ങനെ നമ്മുടെ വലിയൊരു സ്വപ്നം നടന്നു…മോസ്റ്റ് അവെയ്റ്റഡ്…അതെപ്പോഴും നീ പറയാറില്ലേ..? നല്ലത് ഇനിയും വരാനിരിക്കുന്നതേയുള്ളു…’ പ്രിയദര്ശന് മോഹന് ലാലിനോടായി പറഞ്ഞു.
മഞ്ജു വാര്യര്, സുനില് ഷെട്ടി, പ്രഭു, കീര്ത്തി സുരേഷ് എന്നിവരാണ് മരക്കാര് അറബിക്കടലിന്റെ സിംഹത്തിലെ മറ്റു പ്രധാന കഥാപാത്രങ്ങള്. അനില് ശശിയും പ്രിയദര്ശനും ചേര്ന്നാണ് ചിത്രത്തിന്റെ തിരക്കഥ നിര്വ്വഹിച്ചിരിക്കുന്നത്.
തമിഴ് സിനിമ ഛായാഗ്രാഹകനായ തിരുനാവകാരസുവാണ് ചിത്രത്തിന്റെ ക്യാമറ ചെയ്തിരിക്കുന്നത്. ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂര്, സന്തോഷ് ടി കുരുവിള, റോയ് സി ജെ എന്നിവരാണ് ചിത്രം നിര്മ്മിക്കുന്നത്.
പ്രതികരിക്കാൻ ഇവിടെ എഴുതുക