തിരുവനന്തപുരം: സംസ്ഥാനത്ത് നാളെ മുതല് രാത്രികാല കര്ഫ്യൂ ഏര്പ്പെടുത്തി. രാത്രി 9 മുതല് രാവിലെ 6 വരെയാണ് കര്ഫ്യൂ.
പൊതുഗതാഗതത്തിന് നിയന്ത്രണമില്ല. വര്ക്ക് ഫ്രം ഹോം നടപ്പാക്കും. ചീഫ് സെക്രട്ടറിയുടെ നേതൃത്വത്തില് നടന്ന ഉന്നതതല യോഗത്തിന്റേതാണ് തീരുമാനം.
രണ്ടാഴ്ചത്തേക്കാണ് കര്ഫ്യൂ പ്രഖ്യാപിച്ചിട്ടുള്ളത്. സ്വകാര്യ ട്യൂഷന് സെന്ററുകള് തുറന്ന് പ്രവര്ത്തിക്കാന് പാടില്ല. ഓണ്ലൈന് ക്ലാസുകള് മാത്രമാണ് നടത്തേണ്ടതെന്ന് നിര്ദേശമുണ്ട്.
മാളുകളില് കര്ശന നിയന്ത്രണം ഏര്പ്പെടുത്തും. തീയേറ്ററുകള് ഏഴ് മണി വരെ മാത്രമേ തുറക്കാനാകൂ. പൊതു ഇടങ്ങളിലെ തിരക്ക് കുറയ്ക്കുന്നതിനുള്ള കര്ശന നപടികള് സ്വീകരിക്കണമെന്ന് പോലീസ് ആവശ്യപ്പെട്ടിരുന്നു.തൃശൂര് പൂരം ഇത്തവണയും ചടങ്ങുകള് മാത്രമായി നടത്താനും ഉന്നതതല യോഗത്തില് തീരുമാനിച്ചിട്ടുണ്ട്.
സംസ്ഥാനത്ത് കൊവിഡ് വളരെ വേഗത്തിലാണ് പടര്ന്നു പിടിക്കുന്നത്. കൊവിഡിനിടെ തൃശൂര് പൂരം നടത്തുന്നതിനെതിരെയും വലിയ രീതിയിലുള്ള വിമര്ശനമാണ് വിവിധ കോണുകളില് നിന്ന് ഉയരുന്നത്.
കഴിഞ്ഞ ദിവസം മാത്രം സംസ്ഥാനത്ത് 18,257 പേര്ക്കാണ് കൊവിഡ് സ്ഥിരീകരിച്ചത്. എറണാകുളം 2835, കോഴിക്കോട് 2560, തൃശൂര് 1780, കോട്ടയം 1703, മലപ്പുറം 1677, കണ്ണൂര് 1451, പാലക്കാട് 1077, തിരുവനന്തപുരം 990, കൊല്ലം 802, ആലപ്പുഴ 800, ഇടുക്കി 682, പത്തനംതിട്ട 673, കാസര്ഗോഡ് 622, വയനാട് 605 എന്നിങ്ങനേയാണ് ജില്ലകളില് ഞായറാഴ്ച്ച രോഗ ബാധ സ്ഥിരീകരിച്ചത്.
പ്രതികരിക്കാൻ ഇവിടെ എഴുതുക