ഡേറ്റിംഗ് ആപ്പുകളില് തന്റെ ചിത്രം ഉപയോഗിക്കുന്നതിന് എതിരെ നടി സാധിക വേണുഗോപാല്. ഓരോ സൈറ്റും തേടി കണ്ടുപിടിച്ചു ഇതെല്ലാം റിമൂവ് ചെയ്യിക്കുന്നത് തനിക്ക് എളുപ്പമല്ല, അതുകൊണ്ട് സ്വയം ശ്രദ്ധിക്കുക എന്ന് നടി പറയുന്നു. പെണ്ണിന്റെ ഫോട്ടോ കണ്ടാലേ ഫോളോവേഴ്സ് ഉണ്ടാകൂ എന്ന് പറയുന്നവരോട് അപ്പുറത്തെ വീട്ടിലെ പെണ്ണിന് മാനം ഇല്ലേ എന്നും നടി ഫെയ്സ്ബുക്ക് കുറിപ്പിലൂടെ ചോദിക്കുന്നു.
സാധിക വേണുഗോപാലിന്റെ വാക്കുകള്:
നിങ്ങളുടെ ശ്രദ്ധയിലേക്ക്, സോഷ്യല് മീഡിയയിയിലെ ഫെയ്സ്ബുക്, ഇന്സ്റ്റാഗ്രാം എന്നീ പ്ലാറ്റ്ഫോമുകളില് അല്ലാതെ മറ്റൊരു ആപ്പിലോ, പ്ലാറ്റ്ഫോമിലോ ഞാന് അംഗം അല്ല. അത്തരം പ്ലാറ്റ്ഫോമുകളില് ഞാന് എന്ന് നിങ്ങളെ തെറ്റിദ്ധരിപ്പിച്ചു ആരെങ്കിലും ചാറ്റ് ചെയ്യുന്നുണ്ടെങ്കില് അതിന്റെ പൂര്ണ ഉത്തരവാദിത്തം നിങ്ങള്ക്കു മാത്രം ആയിരിക്കും എന്ന് അറിയിച്ചു കൊള്ളുന്നു.
പലരും എന്റെ ഫോട്ടോ ഉപയോഗിച്ച് ഫേക്ക് അക്കൗണ്ടുകള് തുറന്നു പണം ഉണ്ടാക്കുന്നതായും, ചാന്സ് നല്കാമെന്നും, മറ്റും പറഞ്ഞു പലരെയും ഉപയോഗിക്കുന്നതായും പലപ്പോഴും അറിയാന് സാധിച്ചിട്ടുണ്ട്. അതില് പലതും സൈബര് സെല്ലില് റിപ്പോര്ട്ട് ചെയ്തിട്ടുള്ളതും ആണ്. എന്റെ പ്രൊഫൈല് ഞാന് ഉപയോഗിക്കുന്നത് എന്റെ പ്രൊമോഷന്സിനും എനിക്ക് ജനങ്ങളുമായി പങ്കുവയ്ക്കാനുള്ള ആശയങ്ങള്ക്കും എന്നെ ഇഷ്ടപെടുന്ന സമൂഹവുമായുള്ള ആശയ വിനിമയത്തിനും ആണ്.
ഞാന് ഒരാള്ക്കും അങ്ങോട്ട് മെസ്സേജ് അയക്കുകയോ, വിളിക്കുകയോ, ചാന്സ് ഓഫര് ചെയ്യുകയോ, പണം ചോദിക്കുകയോ, ആരെയും ഫോളോ ചെയ്യുകയോ ഒന്നും ചെയ്യില്ല എന്നിരിക്കെ എന്റെ പേരില് ആരെങ്കിലും അത്തരം കാര്യങ്ങള് ചെയ്താല് അത് നിങ്ങള്ക്ക് റിപ്പോര്ട്ട് ചെയ്യാവുന്നതാണ്.
പല ഡേറ്റ്, ദേസി ആപ്ലിക്കേഷനിലും എന്റെ ഫോട്ടോയും പ്രൊഫൈലും ഒക്കെ കാണാന് ഇടയായിട്ടുണ്ട്. അതില് വിശ്വസിച്ചു ചെന്ന് ചാടി സ്വന്തം ജീവിതം ഇല്ലാതാക്കരുത് എന്നും അപേക്ഷിക്കുന്നു.. അങ്ങനെ എന്തെങ്കിലും ഉണ്ടായാല് അതില് ഞാന് ഉത്തരവാദി ആയിരിക്കില്ല. ഓരോ സൈറ്റും തേടി കണ്ടുപിടിച്ചു ഇതെല്ലാം റിമൂവ് ചെയ്യിക്കുന്നത് എനിക്ക് എളുപ്പം ഉള്ള കാര്യം അല്ല എന്നിരിക്കെ നിങ്ങളുടെ സുരക്ഷ നിങ്ങളുടെ ഉത്തരവാദിത്തം ആയിരിക്കും.
സെലിബ്രിറ്റികളുടെ മാത്രം അല്ല പല പെണ്കുട്ടികളുടെയും വീട്ടമ്മമാരുടെയും ചിത്രങ്ങള് ഇത്തരത്തില് ദുരുപയോഗം ചെയ്യപ്പെടുന്നുണ്ട്. പലരുമായി സംസാരിക്കുമ്പോള് അറിയാന് സാധിക്കുന്നത് പെണ്ണിന്റെ ഫോട്ടോ കണ്ടാലേ ഫോളോവേഴ്സ് ഉണ്ടാകൂ അതിനു വേണ്ടി ആണ് എന്നാണ്. നിങ്ങള്ക്കും അമ്മയും പെങ്ങന്മാരും ഉള്ളതല്ലേ? അതെന്താ അപ്പുറത്തെ വീട്ടിലെ പെണ്ണിന് മാനം ഇല്ല്യേ? എല്ലാവരും മനുഷ്യര് ആണ് സഹോ.
പ്രതികരിക്കാൻ ഇവിടെ എഴുതുക