ന്യൂഡല്ഹി: ബംഗാള് ഉള്ക്കടലില് രൂപപ്പെട്ട ന്യുനമര്ദ്ദം തീവ്രന്യൂനമര്ദ്ദമായി ശക്തിപ്രാപിച്ചു. തിങ്കളാഴ്ച രാവിലെയോടെ ന്യൂനമര്ദ്ദം “യാസ്’ ചുഴലിക്കാറ്റായി മാറും.
ചുഴലിക്കാറ്റ് മേയ് 26ന് വൈകുന്നേരം വടക്കന് ഒഡീഷ-പശ്ചിമ ബംഗാള് തീരത്തെത്തി പാരദ്വീപിനും സാഗര് ദ്വീപിനും ഇടയില് കരയില് പ്രവേശിക്കാന് സാധ്യത.
യാസ് ചുഴലിക്കാറ്റ് തീരം തൊടാനിടയുള്ള ഒഡീഷ, പശ്ചിമ ബംഗാള് ഉള്പ്പെടെയുള്ള സംസ്ഥാനങ്ങളിലെ സ്ഥിതി പ്രധാനമന്ത്രി വിലയിരുത്തി. കിഴക്കന് തീരങ്ങളിലെ സംസ്ഥാനങ്ങള്ക്ക് അതീവ ജാഗ്രതാ നിര്ദ്ദേശം കേന്ദ്രം നല്കി. മുംബൈ ബാര്ജ് അപകടത്തിന്റെ പശ്ചാത്തലത്തില് തീരത്ത് നിന്നും അകലെ ജോലി ചെയ്യുന്നവരുടെ സുരക്ഷ ഉറപ്പാക്കണമെന്ന് പ്രധാനമന്ത്രി നിര്ദ്ദേശിച്ചു. ദുരന്തനിവാരണ സേനയും നാവികസേനയും രക്ഷാപ്രവര്ത്തനങ്ങള്ക്കായി തയ്യാറെടുത്തിട്ടുണ്ട്.
കാറ്റിന്റെ സഞ്ചാര പരിധിയില് കേരളം ഉള്പ്പെടെയുള്ള ദക്ഷിണേന്ത്യന് സംസ്ഥാനങ്ങള് വരില്ലെങ്കിലും ശക്തമായ കടല്ക്ഷോഭവും മഴയും ലഭിക്കുമെന്നാണ് കാലാവസ്ഥ പ്രവചനം.
പ്രതികരിക്കാൻ ഇവിടെ എഴുതുക