തിരുവനന്തപുരം: പിപിഇ കിറ്റ് ഉള്പ്പെടെ കോവിഡ് സുരക്ഷാ ഉപകരണങ്ങളുടെ വില സർക്കാർ പുതുക്കി നിശ്ചയിച്ചു. കോവിഡ് പ്രതിരോധ ഉത്പന്നങ്ങള്ക്ക് വില 30 ശതമാനം വരെയാണ് വര്ധിപ്പിച്ചു.
സര്ക്കാർ വില നിജപ്പെടുത്തിയതോടെ ഗുണമേന്മയുള്ള പിപിഇ കിറ്റിനും മാസ്കുകള്ക്കും ക്ഷാമം നേരിട്ടുതുടങ്ങി. സര്ക്കാർ നിശ്ചയിച്ച വിലയില് ഗുണമേന്മയുള്ള പിപിഇ കിറ്റുകളും മാസ്കും നല്കാനാകില്ലെന്നാണ് മെഡിക്കൽ ഉപകരണ നിര്മാതാക്കളുടെ നിലപാട് .
നിശ്ചയിച്ച വിലയിൽ മാറ്റം വരുത്തണമെന്നാവശ്യപ്പെട്ട് ഉപകരണ നിര്മാതാക്കളും സ്വകാര്യ ആശുപത്രി മാനേജ്മെന്റ് അസോസിയേഷനും സര്ക്കാരിന് കത്ത് നല്കി .
പി പി ഇ കിറ്റിന് 328 രൂപയും പള്സ് ഓക്സീ മീറ്ററിന് 1800 രൂപയും N95 മാസ്കിന് 26 രൂപയുമാണ് പുതിയ വില. നേരത്തെ പള്സ് ഓക്സി മീറ്ററിന് 1500 രൂപയാക്കി കുറച്ചിരുന്നു. പിപിഇ കിറ്റിന് 273 രൂപയും എന്95 മാക്സിന് 22 രൂപയുമായിട്ടായിരുന്നു നേരത്തെ സര്ക്കാര് പുതുക്കി നിശ്ചയിച്ചിരുന്നത്.
ട്രിപ്പിള് ലെയര് മാസ്കിന് 5 രൂപയാക്കി. സാനിറ്റൈസര് 500 മില്ലി ബോട്ടിലിന് 192ല് 230 ആയും കൂട്ടി. മാസ്കിനും പിപിഇ കിറ്റിനും ബിഐഎസ് നിഷ്കര്ഷിക്കുന്ന ഗുണമേന്മ ഉണ്ടാകണമെന്നും നിര്ദേശിച്ചിട്ടുണ്ട്.
പ്രതികരിക്കാൻ ഇവിടെ എഴുതുക