കൊവിഡ് മഹാമാരിയുടെ വ്യാപനം ശമനമില്ലാതെ തുടരുമ്പോൾ സംസ്ഥാനത്ത് നിലവിൽ ഏർപ്പെടുത്തിയ ലോക്ഡൗൺ ജൂൺ 16 വരെ നീട്ടി. അതേസമയം അവശ്യവസ്തുക്കള് വില്ക്കുന്ന സ്ഥാപനങ്ങള്, വ്യവസായത്തിനാവശ്യമായ അസംസ്കൃത വസ്തുക്കള് (പാക്കേജിങ് ഉള്പ്പെടെ), നിര്മാണ സാമഗ്രികള് വില്ക്കുന്ന സ്ഥാപനങ്ങള് തുടങ്ങിയവയ്ക്ക് ജൂണ് 16 വരെ പ്രവര്ത്തനാനുമതി നല്കും.
ബാങ്കുകള് നിലവിലുള്ളതുപോലെ തിങ്കള്, ബുധന്, വെള്ളി ദിവസങ്ങളില് പ്രവര്ത്തിക്കും. സ്റ്റേഷനറി, ജ്വല്ലറി, പാദരക്ഷകളുടെ ഷോറൂം, തുണിക്കടകള്, ഒപ്റ്റിക്കല്സ് തുടങ്ങിയ കടകള്ക്ക് ജൂണ് 11ന് ഒരു ദിവസം മാത്രം രാവിലെ 7 മണിമുതല് വൈകീട്ട് 7 വരെ പ്രവര്ത്തനാനുമതി നല്കും. എന്നാൽ 12, 13 തിയതികളില് (ശനിയും ഞായറും) കര്ശന നിയന്ത്രണങ്ങളോടെ സമ്പൂര്ണ ലോക് ഡൗണ് ആയിരിക്കുമെന്ന് മുഖ്യമന്ത്രി അറിയിച്ചു.
സര്ക്കാര്, അര്ധസര്ക്കാര് സ്ഥാപനങ്ങള്, പൊതുമേഖലാ സ്ഥാപനങ്ങള്, കോര്പ്പറേഷനുകള്, കമ്മീഷനുകള് തുടങ്ങിയവ ജൂണ് 17 മുതല് 50 ശതമാനം ഉദ്യോഗസ്ഥരെ ഉള്പ്പെടുത്തി പ്രവര്ത്തനം ആരംഭിക്കും. വാഹന ഷോറൂമുകള് മെയിന്റനന്സ് വര്ക്കുകള്ക്ക് മാത്രം ജൂണ് 11ന് തുറക്കാവുന്നതാണ്. എല്ലാ പരീക്ഷകളും ജൂണ് 16 ശേഷം മാത്രമേ ആരംഭിക്കൂ എന്ന് മുഖ്യമന്ത്രി പറഞ്ഞു.
പ്രതികരിക്കാൻ ഇവിടെ എഴുതുക