കാസര്ഗോഡ്: പതിന്നാലുകാരിയെ കൂട്ട ബലാത്സംഗത്തിന് ഇരയാക്കിയ സംഭവത്തില് ഒരാള് കൂടി അറസ്റ്റിലായി. ഹിദായത്ത് നഗര് സ്വദേശി അബൂബക്കറാണ് അറസ്റ്റിലായത്. ഇയാളെ രണ്ടാഴ്ചത്തേക്ക് റിമാന്ഡ് ചെയ്തു. കേസില് ഇതുവരെ അഞ്ചു പേര് അറസ്റ്റിലായിട്ടുണ്ട്.
കഴിഞ്ഞ ദിവസമാണ് കാസര്കോട് ഉളിയത്തടുക്കയില് പതിനാലുകാരിയെ ലൈംഗികമായി പീഡിപ്പിച്ച സംഭവത്തില് പ്രദേശവാസികളായ മൂന്നുപേരെ പൊലീസ് അറസ്റ്റ് ചെയ്തത്. അതിനുശേഷം മറ്റൊരാളെ കൂടി പൊലീസ് അറസ്റ്റ് ചെയ്തിരുന്നു. ഇന്ന് അബൂബക്കര് കൂടി പിടിയിലായതോടെ സംഭവത്തില് അറസ്റ്റിലായവരുടെ ആകെ എണ്ണം. അഞ്ചായി. പെണ്കുട്ടി പീഡിപ്പിക്കപ്പെട്ട സംഭവത്തില് അഞ്ച് കേസുകള് രജിസ്റ്റര് ചെയ്തതായി പൊലീസ് അറിയിച്ചു.
ചൈല്ഡ് ഹെല്പ്പ് ലൈന് നമ്ബരിലേക്ക് ലഭിച്ച വിവരത്തിന്റെ നടത്തിയ അന്വേഷണത്തിനൊടുവിലാണ് പീഡന വിവരം പുറത്തുവന്നത്. ചൈല്ഡ് ലൈന് പ്രവര്ത്തകര് നല്കിയ വിവരത്തെ തുടര്ന്ന് പൊലീസ് നടത്തിയ അന്വേഷണത്തിലാണ് മൂന്നു പേര് അറസ്റ്റിലായത്. കുട്ടി സ്ഥിരമായി സാധനം വാങ്ങാന് എത്തിയ കടയുടമ ഉള്പ്പടെയാണ് അറസ്റ്റിലായത്. ഇവര് കുട്ടിയെ മറ്റു സ്ഥലങ്ങളിലെത്തിച്ച് ലൈംഗികമായി ചൂഷണം ചെയ്തതായും പൊലീസ് കണ്ടെത്തിയിട്ടുണ്ട്. നിലവില് പെണ്കുട്ടിയെ. ശിശുക്ഷേമസമിതിയുടെ സംരക്ഷണയിലേക്ക് മാറ്റിയിട്ടുണ്ട്.
പ്രതികരിക്കാൻ ഇവിടെ എഴുതുക