ഹെയ്തി പ്രസിഡന്റ് ജൊവനെല് മോസെ അജ്ഞാതരുടെ വെടിയേറ്റു മരിച്ചു. മോസെയുടെ സ്വകാര്യ വസതിക്ക് നേരെ അജ്ഞാതര് നടത്തിയ ആക്രമണത്തിലാണ് അദ്ദേഹം കൊല്ലപ്പെട്ടത്. ആക്രമണത്തില് പരിക്കേറ്റ മോസെയുടെ ഭാര്യ മാര്ട്ടിന് മോസെ ചികിത്സയിലാണ്. ഹെയ്തിയുടെ ഇടക്കാല പ്രധാനമന്ത്രിയായ ക്ലോഡ് ജോസഫാണ് പ്രസിഡന്റ് കൊല്ലപ്പെട്ട കാര്യം ഔദ്യോഗികമായി അറിയിച്ചത്.
ദാരിദ്ര്യവും രാഷ്ട്രീയ അസ്ഥിരതയും വര്ധിച്ചതോടെയാണ് ഹെയ്തിയില് അക്രമങ്ങള് വര്ധിച്ചത്. ഭക്ഷണക്ഷാമം ഇവിടെ രൂക്ഷമാണ്. വ്യാപകമായ രീതിയില് അക്രമങ്ങള് ഉണ്ടാകുമോ എന്ന ആശങ്കയും നിലനില്ക്കുകയാണ്. 2017-ല് പ്രസിഡന്റായി ചുമതലയേറ്റതു മുതല് കടുത്ത പ്രതിഷേധങ്ങളാണ് മൊസെക്ക് അഭിമുഖീകരിക്കേണ്ടി വന്നിട്ടുളളത്. സ്വേച്ഛാധിപത്യം സ്ഥാപിക്കാന് മോസെ ശ്രമിക്കുകയാണെന്ന് പ്രതിപക്ഷം ആരോപിച്ചിരുന്നു. നേരത്തെ മോസെയ്ക്ക് നേരെ വധശ്രമം നടന്നിരുന്നു. ഈ സംഭവത്തില് 20 പേരെ പൊലീസ് പിടികൂടിയിരുന്നു.
പ്രതികരിക്കാൻ ഇവിടെ എഴുതുക