സംസ്ഥാന എൻജിനിയറിങ് പ്രവേശന പരീക്ഷ മാറ്റിവെച്ചേക്കുമെന്ന് റിപ്പോർട്ട്. ഐ.ഐ.ടി, ജെ.ഇ.ഇ പരീക്ഷകൾ അതേദിവസം നടക്കുന്നതിനാലാണ് പരീക്ഷകൾ മാറ്റിവെക്കുന്നത്. ഈ മാസം 24ന് നടത്താൻ നിശ്ചയിച്ച പരീക്ഷകളാണ് മാറ്റിവെക്കാൻ ആലോചിക്കുന്നത്. അന്തിമ തീരുമാനം ഉടനെടുക്കുമെന്ന് എൻട്രൻസ് കമ്മീഷണറേറ്റ് അറിയിച്ചു.
ജൂലൈ 11 ന് തീരുമാനിച്ചിരുന്ന പരീക്ഷ കൊവിഡ് വ്യാപനം കണക്കിലെടുത്ത് 24ലേക്ക് നീട്ടിവെക്കുകയായിരുന്നു. ഒന്നരലക്ഷത്തോളം പേരാണ് ഇത്തവണ പരീക്ഷയ്ക്കു വേണ്ടി രജിസ്റ്റർ ചെയ്തിരിക്കുന്നത്.
പരീക്ഷ നടത്തിപ്പുമായി ബന്ധപ്പെട്ട നടപടിക്രമങ്ങൾ അന്തിമഘട്ടത്തിലെത്തിയപ്പോഴാണ് മാറ്റിവെക്കാനുള്ള ആലോചന..
പ്രതികരിക്കാൻ ഇവിടെ എഴുതുക