കൊച്ചി: നടിയെ അക്രമിച്ച കേസില് സാക്ഷി വിസ്താരത്തിനായി നടി കാവ്യ മാധവന് ഇന്ന് കൊച്ചിയിലെ പ്രത്യേക സി.ബി.ഐ കോടതിയില് ഹാജരാകും. കഴിഞ്ഞ മേയില് കേസുമായി ബന്ധപ്പെട്ട് കാവ്യ കോടതിയില് ഹാജരായിരുന്നെങ്കിലും അന്ന് വിസ്താരം നടന്നിരുന്നില്ല.
കേസിന്റെ വിചാരണ പൂര്ത്തിയാക്കാന് കോടതി കൂടുതല് സമയം തേടിയിരുന്നു. എന്നാല് സുപ്രിം കോടതി 2021 ആഗസ്തില് നടപടികള് പൂര്ത്തിയാക്കാന് ആവശ്യപ്പെട്ടിരുന്നു. എന്നാൽ കോവിഡ് മൂലം നടപടികള് തടസപ്പെട്ടെന്ന് വിചാരണ കോടതി കത്തില് പറയുന്നു.
2017 ഫെബ്രുവരിയിലായിരുന്നു കൊച്ചിയില് നടി ആക്രമണത്തിനിരയാകുന്നത്.കേസില് എട്ടാം പ്രതിയാണ് നടന് ദിലീപ്. കേസില് 178 പേരുടെ വിസ്താരമാണ് ഇതുവരെ പൂര്ത്തിയായിട്ടുള്ളത്. കേസില് 300ലധികം സാക്ഷികളാണ് ഉള്ളത്.
പ്രതികരിക്കാൻ ഇവിടെ എഴുതുക