കരുവന്നൂര് സഹകരണ ബാങ്ക് തട്ടിപ്പ് കേസില് ഒന്നാം പ്രതി സുനില് കുമാറിനെ ചോദ്യം ചെയ്യാന് ഒരാഴ്ച കസ്റ്റഡിയില് വേണമെന്ന് ആവശ്യപ്പെട്ട് അന്വേഷണ സംഘം അപേക്ഷ സമര്പ്പിച്ചു. ക്രൈം ബ്രാഞ്ച് നല്കിയ അപേക്ഷ കോടതി 3 ദിവസം കഴിഞ്ഞ് പരിഗണിക്കും.
കഴിഞ്ഞ ദിവസമാണ് സുനില് കൂമാറിനെ ക്രൈം ബ്രാഞ്ച് അറസ്റ്റ് ചെയ്തത്. ഇന്ന് കോടതിയില് ഹാജരാക്കിയ സുനില് കുമാറിനെ കോടതി 14 ദിവസത്തേക്കാണ് റിമാഡ് ചെയ്തത്. ഗുരുതരമായ ആരോപണങ്ങളാണ റിമാന്ഡ് റിപ്പോര്ട്ടില് സുനില് കുമാറിന് എതിരെയുള്ളത്.
100 കോടിയുടെ തട്ടിപ്പ് നടന്നുവെന്ന് കണ്ടെത്തിയ കരുവന്നൂര് ബാങ്കിലെ സി പി എമ്മിന്റെ നേതൃത്വത്തിലുള്ള ഭരണസമിതി സഹകരണ രജിസ്ട്രാര് നേരത്തെ പിരിച്ചുവിട്ടിരുന്നു.
ഭരണസമിതിക്കും തട്ടിപ്പിനെക്കുറിച്ച് അറിവുണ്ടായിരുന്നുവെന്നത് കണക്കിലെടുത്താണ് കെ കെ ദിവാകരന് പ്രസിഡന്റായ ഭരണസമിതി ജില്ലാ രജിസ്ട്രാര് പിരിച്ചുവിട്ടത്.
സംഭവത്തില് ബാങ്ക് സെക്രട്ടറി ഉള്പ്പടെ നാലോളം പേരെ സസ്പെന്റ് ചെയ്തിരുന്നു. മുന് സെക്രട്ടറി സുനില്കുമാര്, മുന് ബ്രാഞ്ച് മാനേജര് ബിജു, മുന് സീനിയര് അക്കൗണ്ടന്റ് ജില്സ്, സൂപ്പര് മാര്ക്കറ്റ് അക്കൗണ്ടന്റായിരുന്ന റെജി അനില്, കിരണ്, ബിജോയ് എന്നിവരുടെ പേരിലാണ് കേസ്.
പ്രതികരിക്കാൻ ഇവിടെ എഴുതുക