കാലാവസ്ഥാ വ്യതിയാനം തുടര്ന്നാല് ഇന്ത്യ അടക്കം 11 രാജ്യങ്ങളും രണ്ട് മേഖലകളും ഗുരുതര പ്രതിസന്ധിയിലാവുമെന്ന് അമേരിക്കന് രഹസ്യാന്വേഷണ ഏജന്സികളുടെ റിപ്പോര്ട്ട്.
ഇന്ത്യ അടക്കം 11 രാജ്യങ്ങളും രണ്ട് മേഖലകളുമാണ് ഗുരുതരമായ പ്രതിസന്ധിയെ നേരിടുക എന്നാണ് റിപ്പോര്ട്ടില് പറയുന്നത്. ഇന്ത്യയെ കൂടാതെ പാക്കിസ്താന്, അഫ്ഗാനിസ്താന്, ഇറാഖ്, മ്യാന്മര്, ഉത്തര കൊറിയ എന്നീ ആറ് ഏഷ്യന് രാജ്യങ്ങളാണ് പട്ടികയില് ഉള്ളത്.
മധ്യ അമേരിക്ക, കരീബിയ എന്നിവിടങ്ങളിലുള്ള ഗ്വാട്ടിമല, ഹെയ്തി, ഹോണ്ടുറാസ്, നിക്കരാഗ്വ, കൊളംബിയ എന്നീ രാജ്യങ്ങളും പട്ടികയിലുണ്ട്. മധ്യ ആഫ്രിക്ക, പസഫിക്കിലെ ചെറിയ രാജ്യങ്ങള് എന്നിവയും ഗുരുതരമായ പ്രതിസന്ധിയെ നേരിടേണ്ടിവരും.
ഈ രാജ്യങ്ങള് ഊര്ജം, ഭക്ഷണം, ജലം, ആരോഗ്യം, സുരക്ഷ എന്നീ വിഷയങ്ങളില് അതിഗുരുതരമായ പ്രശ്നങ്ങള് നേരിടേണ്ടിവരുമെന്ന് റിപ്പോര്ട്ട് വ്യക്തമാക്കുന്നു. ആഭ്യന്തര സംഘര്ഷങ്ങള് മൂര്ഛിക്കാനും അസ്ഥിരത സൃഷ്ടിക്കാനും കാലാവസ്ഥാ വ്യതിയാനം കാരണമാവും.
ഉഷ്ണ തരംഗം, വരള്ച്ച എന്നിവ വൈദ്യുതി വിതരണം അടക്കമുള്ള മേഖലകളെ സാരമായി ബാധിക്കും. ഇതോടൊപ്പമുണ്ടാവുന്ന അഭയാര്ത്ഥി പ്രവാഹം ലോകത്തെ മൊത്തമായി ബാധിക്കാനും ഇടയുണ്ടെന്ന് റിപ്പോര്ട്ടില് പറയുന്നു.
കാലാവസ്ഥാ വ്യതിയാനം േദശീയ സുരക്ഷയെ എങ്ങനെയാണ് ബാധിക്കുന്നത് എന്ന വിഷയത്തില് അമേരിക്കന് രഹസ്യാന്വേഷണ ശൃംഖലയിലെ 18 ഏജന്സികള് തയ്യാറാക്കിയ റിപ്പോര്ട്ടിലാണ് കാലാവസ്ഥാ വ്യതിയാനം ഇന്ത്യ അടക്കമുള്ള രാജ്യങ്ങളില് സൃഷ്ടിക്കുന്ന പ്രതിസന്ധികള് വിവരിക്കുന്നത്.
കാലാവസ്ഥാ വ്യതിയാനം ദേശീയ സുരക്ഷയ്ക്ക് എന്ത് പ്രത്യാഘാതമാണ് സൃഷ്ടിക്കുകയെന്ന കാര്യത്തില് ആദ്യമായാണ് ഇന്റലിജന്സ് ഏജന്സികളുടെ സമഗ്ര റിപ്പോര്ട്ട് പുറത്തുവരുന്നത്.
പ്രതികരിക്കാൻ ഇവിടെ എഴുതുക