തിരുവനന്തപുരം: അനുപമയ്ക്ക് കുഞ്ഞിനെ തിരിച്ചുകിട്ടാന് വഴി തെളിയുന്നു. കോടതിയില് ദത്ത് നടപടി തല്ക്കാലം നിര്ത്തിവെക്കാന് സര്ക്കാര് ആവശ്യപ്പെടും. സര്ക്കാര് ശിശുക്ഷേമ സമിതിക്കും വനിതാ ശിശു വികസന ഡയറക്ടര്ക്കും നിര്ദേശം നല്കി. ആരോഗ്യ മന്ത്രി വീണാ ജോര്ജാണ് നിര്ണായക ഇടപെടല് നടത്തിയത്.
വഞ്ചിയൂര് കുടുംബ കോടതിയിലാണ് ദത്ത് നടപടികളില് അന്തിമ വിധി പുറപ്പെടുവിക്കാന് മാറ്റിവെച്ചിരിക്കുന്നത്. സര്ക്കാരും ശിശുക്ഷേമ സമിതിയും ഹര്ജിയില് തല്ക്കാലം തുടര് നടപടി സ്വീകരിക്കരുതെന്ന് ആവശ്യപ്പെടും.
കുഞ്ഞിന്റെ അമ്മ അവകാശ വാദവുമായി വന്നിട്ടുണ്ടെന്നും വിഷയം വിവാദമായി നിലനില്ക്കുന്നുവെന്നും സര്ക്കാര് കോടതിയെ അറിയിക്കും.
അതേസമയം, സംഭവത്തില് വകുപ്പ് തല അന്വേഷണം പ്രഖ്യാപിച്ചു കൊണ്ടുള്ള സര്ക്കാര് ഉത്തരവിറങ്ങി. പ്രാഥമിക അന്വേഷണത്തിന്റെ ആദ്യഘട്ടം പിന്നിടുന്നു. ശിശു ക്ഷേമ സമിതിക്ക് സംഭവിച്ചതെന്ന് ഗുരുതര വീഴ്ചയാണെന്നാണ് പ്രാഥമിക നിഗമനം.
കുഞ്ഞിനെ കണ്ടെത്താന് ചൈല്ഡ് വെല്ഫയര് കമ്മിറ്റി നടപടി എടുത്തില്ല. മുഴുവന് ജീവനക്കാരില് നിന്നും മൊഴിയെടുത്ത ശേഷമാകും അധിമ നിഗമനത്തിലെത്തുക.
പ്രതികരിക്കാൻ ഇവിടെ എഴുതുക