കൊച്ചി: പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച മട്ടാഞ്ചേരി സ്വദേശിയായ 46കാരന് ജീവപരന്ത്യവും കഠിനതടവും വിധിച്ച് കോടതി .
കാമുകിയുടെ പ്രായപൂര്ത്തിയാകാത്ത മകളെ പീഡിപ്പിച്ച മട്ടാഞ്ചേരി സ്വദേശി ക്ലമന്റിനാണ് പോക്സോ കോടതി ജീവപര്യന്തം തടവിനു മുന്നോടിയായി 10 വർഷം കഠിനതടവും 3 ലക്ഷം രൂപ പിഴയും വിധിച്ചത്.
15 വയസുള്ള സഹോദരിയെ പീഡിപ്പിക്കുന്നത് പുറത്തു പറയാനൊരുങ്ങിയ 12 വയസുകാരിയെ മര്ദ്ദിച്ചതിനും ഇയാള്ക്കെതിരെ കേസുണ്ട്.
രണ്ടു കേസിലുമായി 36 വർഷം കഠിന തടവും ജീവപര്യന്തവുമാണു പ്രതി അനുഭവിക്കേണ്ടതെങ്കിലും 36 വർഷത്തെ തടവ് ഒരുമിച്ച് 10 വർഷം അനുഭവിച്ചാൽ മതിയാകും.
ഇളയകുട്ടിയെ ഉപദ്രവിച്ച കുറ്റങ്ങൾക്ക് അടക്കം ലഭിച്ച 10 വർഷം കഠിനതടവാണ് പ്രതി ആദ്യം അനുഭവിക്കേണ്ടത്. ഇളയ പെണ്കുട്ടിയാണ് പീഡനവിവരം അധ്യാപകരോട് പറഞ്ഞത്.
അതുവഴിയാണ് പീഡനവിവരം പൊലീസ് അറിയുന്നത്. കോടതി ചുമത്തിയ പിഴത്തുക കുറ്റകൃത്യത്തിന് ഇരയായ പെൺകുട്ടികൾക്കു നൽകണം.
പ്രതികരിക്കാൻ ഇവിടെ എഴുതുക