ഇന്ത്യന് നാവികസേന മുന് ഉദ്യോഗസ്ഥന് കുല്ഭൂഷണ് ജാദവിന് പാകിസ്താൻ വിധിച്ച വധശിക്ഷയ്ക്കെതിരെ അപ്പീൽ നൽകാൻ അനുമതി. പാക്കിസ്ഥാന് പട്ടാളക്കോടതിയുടെ വധശിക്ഷയ്ക്കെതിരെ അപ്പീല് നല്കാം. സിവില് കോടതിയില് അപ്പീല് നല്കാനുള്ള വ്യവസ്ഥ ഉള്പ്പെടുത്തി പട്ടാള നിയമം ഭേദഗതി ചെയ്യാനുള്ള ബില് പാക് പാര്ലമെന്റിന്റെ സംയുക്ത സമ്മേളനം അംഗീകരിച്ചു.
ഇന്ത്യന് രഹസ്യാന്വേഷണ ഏജന്സിയുടെ ഏജന്റായി പ്രവര്ത്തിച്ച് ബലൂചിസ്ഥാനില് കാലാപത്തിന് ശ്രമിച്ചുവെന്ന് ആരോപിച്ചാണ് ജാദവിനെ അറസ്റ്റുചെയ്തത്. 2017 ലാണ് ജാദവിന് പാക് കോടതി വധശിക്ഷ വിധിച്ചത്. എന്നാൽ അന്താരാഷ്ട്ര നീതിന്യായ കോടതി വധശിക്ഷ സ്റ്റേ ചെയ്തു.
നിയമപരമായ എല്ലാ അവകാശവും ഉറപ്പാക്കണമെന്നും ഇന്ത്യൻ നയതന്ത്ര ഉദ്യോഗസ്ഥർക്ക് കുൽഭൂഷൺ ജാദവിനെ കാണാനുള്ള അവസരം നല്കണമെന്നും കോടതി ഉത്തരവിട്ടിരുന്നു. ഇതിന് പിന്നാലെ ജാദവിന് അപ്പീല് നല്കാന് കഴിഞ്ഞ വര്ഷം പാക്കിസ്ഥാന് ദേശീയ അസംബ്ലിയില് ഓര്ഡിനന്സ് അവതരിപ്പിച്ചിരുന്നു.
അന്താരാഷ്ട്ര നീതിന്യായ കോടതിയുടെ ഉത്തരവ് പാക് സർക്കാർ ഇസ്ലാമാബാദ് ഹൈക്കോടതിയുടെ പരിഗണനയ്ക്ക് നല്കി. ഹൈക്കോടതി ചീഫ് ജസ്റ്റിസിന്റെ അദ്ധ്യക്ഷതയിലുള്ള ബഞ്ച് ഇത് രണ്ടാം തവണയാണ് കേസ് പരിഗണിച്ചത്. ഇന്ത്യയ്ക്ക് അഭിഭാഷകനെ നിയമിക്കാൻ ഒരവസരം കൂടി നല്കുകയാണെന്ന് ബഞ്ച് വ്യക്തമാക്കി.
പ്രതികരിക്കാൻ ഇവിടെ എഴുതുക