പ്രഗ്യാരാജ്: ബലപ്രയോഗത്തിലൂടെ പ്രായപൂര്ത്തിയാകാത്ത കുട്ടിയെ ഓറല് സെക്സ് ചെയ്യിച്ച സംഭവം
കടുത്ത ലൈംഗികപീഡനക്കുറ്റമായി പരിഗണിക്കാനാകില്ലെന്ന് അലഹബാദ് ഹൈക്കോടതി. കേസില് 10 വര്ഷം ശിക്ഷ വിധിച്ചയാളുടെ ശിക്ഷാകാലാവധി ഏഴാക്കി കുറക്കുകയും ചെയ്തു.
പോക്സോ നിയമം സെക്ഷന് നാല് പ്രകാരം ഓറല് സെക്സ് പെനട്രേറ്റീവ് ലൈംഗിക പീഡനത്തില് ഉള്പ്പെടുത്തുമെങ്കിലും സെക്ഷന് ആറ് പ്രകാരം ശിക്ഷ വിധിക്കാവുന്ന ഗുരുതരമായ പെനട്രേറ്റീവ് ലൈംഗിക പീഡനമായി കണക്കാക്കാനാകില്ലെന്നും കോടതി വ്യക്തമാക്കി.
വിചാരണ കോടതി കുട്ടിയെ ബലം പ്രയോഗിച്ച് ഓറല് സെക്സ് ചെയ്യിച്ചെന്ന കേസില് 10 വര്ഷം തടവിന് ശിക്ഷിച്ച പ്രതിയുടെ കാലാവധി ഏഴ് വര്ഷമാക്കി ഹൈക്കോടതി കുറച്ചു.
ഝാന്സി കോടതി ശിക്ഷിച്ച സോനു കുശ്വാഹ എന്നയാളാണ് കീഴ്്ക്കോടതി വിധിക്കെതിരെ ഹൈക്കോടതിയെ സമീപിച്ചത്. പോക്സോ സെക്ഷന് നാല് നിയമപ്രകാരം പ്രതിയുടേത് പെനട്രേറ്റീവ് ലൈംഗിക പീഡനമാണെന്നും ഝാന്സി കോടതി ഉത്തരവില് വ്യക്തമാക്കിയിരുന്നു.
പ്രതികരിക്കാൻ ഇവിടെ എഴുതുക