ന്യൂഡൽഹി: ഡൽഹി രോഹിണി കോടതിയിലുണ്ടായ സ്ഫോടനത്തിൽ ഒരാൾക്ക് പരിക്ക്. ലാപ്ടോപ്പ് ബാഗില് നിന്നാണ് സ്ഫോടനമുണ്ടായത്. നേരിയ സ്ഫോടനമാണ് നടന്നത്. പരിക്ക് ഗുരുതരമല്ല. തീവ്രത കുറഞ്ഞ സ്ഫോടനമാണ് കോടതിക്കുള്ളിൽ ഉണ്ടായതെന്ന് പോലീസ് പറഞ്ഞു.
സംഭവത്തിൽ പോലീസ് അന്വേഷണം തുടങ്ങി. കോടതി കെട്ടിടത്തിലെ 102ആം നമ്പര് ചേംബറിനുള്ളിലാണ് സ്ഫോടനമുണ്ടായത്. സ്ഫോടനത്തെ തുടര്ന്ന് കോടതി നടപടികള് താത്കാലികമായി നിര്ത്തിവെച്ചു. കഴിഞ്ഞ ഒക്ടോബറില് രോഹിണി കോടതിയില് ദുരൂഹ സാഹചര്യത്തില് വെടിവെപ്പ് നടന്നിരുന്നു.
രോഹിണി കോടതിയിൽ മാഫിയ സംഘങ്ങൾ തമ്മിലുണ്ടായ വെടിവയ്പ്പിൽ മൂന്ന് പേർ കൊല്ലപ്പെട്ടിരുന്നു. ഗുണ്ട തലവൻ ജിതേന്ദ്രഗോഗി അടക്കം മൂന്ന് പേരാണ് അന്നത്തെ വെടിവെപ്പില് കൊല്ലപ്പെട്ടത്. ഗോഗിയെ കോടതിയിൽ ഹാജരാക്കി വിചാണ നടത്തുന്നതിനിടെയാണ് വെടിവെപ്പുണ്ടായത്. അക്രമത്തില് ആറ് പേർക്ക് വെടിയേറ്റിരുന്നു.
അഭിഭാഷകരുടെ വേഷത്തിലെത്തിയ രണ്ട് പേർ കോടതിക്കുള്ളിൽ പ്രവേശിച്ച് കൊടുംകുറ്റവാളിയായ ജിതേന്ദർ ഗോഗിയുടെ നേർക്ക് വെടിയുതിർക്കുകയായിരുന്നുവെന്ന് ദൃക്സാക്ഷികൾ പറയുന്നു.
പ്രതികരിക്കാൻ ഇവിടെ എഴുതുക